ଜଙ୍ଘରେ ମହିଳା ଜଗନ୍ନାଥଙ୍କ ଟାଟୁ କରିବା ଘଟଣା: ଗିରଫ ହେଲେ ଟାଟୁ ଦୋକାନୀ

ଭୁବନେଶ୍ବର: ଶରୀରରେ ଜଗନ୍ନାଥଙ୍କ ଟାଟୁ କରିବା ନେଇ ସୋସିଆଲ ମିଡିଆରେ କ୍ଷମା ମାଗିଲେ ବିଦେଶିନୀ। ସୋସିଆଲ ମିଡିଆରେ କ୍ଷମା ପ୍ରାର୍ଥନା କରିବା ସହ ଏଭଳି ଭୁଲ ଭବିଷ୍ୟତରେ ହେବନାହିଁ ବୋଲି ସେ କହିଛନ୍ତି। ଟାଟୁକୁ ନେଇ ଯାହା ସବୁ ଘଟି ଚାଲିଛି ତାକୁ ନେଇ ସେ ଦୁଃଖ ପ୍ରକାଶ କରିଛନ୍ତି। ତାଙ୍କୁ କ୍ଷମା କରିବାକୁ ସେ ସୋସିଆଲ ମିଡିଆରେ ପ୍ରାର୍ଥନା କରିଛନ୍ତି। ସେପଟେ ଜଙ୍ଘରେ ଜଗନ୍ନାଥଙ୍କ ଟାଟୁ କରାଇଥିବା ଟାଟୁ ଦୋକାନୀଙ୍କୁ ଗିରଫ କରିଛି ପୋଲିସ। ସୋସିଆଲ ମିଡିଆରେ ଭାଇରାଲ ହେବା ପରେ ସହିଦନଗର ଥାନାରେ ଏତଲା ହୋଇଥିଲା। ସହିଦନଗର ଥାନାରେ ଟାଟୁ କରିଥିବା ବ୍ୟକ୍ତିଙ୍କୁ ପଚରାଉଚରା କରିଥିଲା ପୋଲିସ। ମହାପ୍ରଭୁ ଜଗନ୍ନାଥଙ୍କୁ ଅସମ୍ମାନ କରିଥିବାରୁ ବିଭିନ୍ନ ମହଲରୁ ପ୍ରତିକ୍ରିୟା ପ୍ରକାଶ ପାଇଛି।