ପେନସନ ମାମଲାର ସମାଧାନ କରିବାରେ ଉଚ୍ଚଶିକ୍ଷା ବିଭାଗର ରେକର୍ଡ

ଭୁବନେଶ୍ବର: ପେନସନ ମାମଲାର ସମାଧାନ କରିବାରେ ଉଚ୍ଚଶିକ୍ଷା ବିଭାଗର ରେକର୍ଡ । ଗତ ବର୍ଷ ଜାନୁଆରୀ ପହିଲାରୁ ଡିସେମ୍ବର ୨୭ ଯାଏଁ ମାମଲାର ସମାଧାନ ହୋଇଛି । ଯେଉଁଥିରେ ୧୭୨୭ ପେନସନ ମାମଲାର ସମାଧାନ ହୋଇ ପେନସନ ପ୍ରଦାନ କରାଗଲାଣି । ଏଥିରୁ ୧୩୫୭ ଅନଲାଇନ ଓ ୧୪୬ ଅଫଲାଇନ ମାମଲା ଥିଲା । ୨୨୪ ମାମଲାରେ ଆବେଦନ ଅସମାପ୍ତ ଥିବାରୁ ସେଗୁଡିକୁ ପୁଣି କଲେଜକୁ ଫେରସ୍ତ କରାଯାଇଛି । ସେହିପରି ୩୨ ମାମଲା ବଳକା ରହିଛି । ୩୧ ଜଣଙ୍କୁ ପ୍ରୋଭିଜିନାଲ ପେନସନ ଓ ୨୮ ଜଣଙ୍କୁ ଏକ୍ସ- ଗ୍ରାସିଆ ବି ଅନୁମୋଦନ ପ୍ରଦାନ କରିଛି ଉଚ୍ଚଶିକ୍ଷା ବିଭାଗ । ଉଚ୍ଚଶିକ୍ଷା ମନ୍ତ୍ରୀ ଭାବେ ଦାୟିତ୍ୱ ନେବା ପରେ ଅତନୁ ସବ୍ୟସାଚୀ ନାୟକଙ୍କୁ ମୁଖ୍ୟମନ୍ତ୍ରୀ ଓ 5T ଅଧ୍ୟକ୍ଷଙ୍କ ସବୁ ପେନସନ ମାମଲାର ସମାଧାନ ହେବା ନେଇ ନିର୍ଦ୍ଦେଶ ଦେଇଥିଲେ । ଏ ନେଇ ଉଚ୍ଚଶିକ୍ଷା ବିଭାଗ ପକ୍ଷରୁ ପେନସନ ସେଲ ଖୋଲା ଯାଇଥିଲା । ଯେଉଁଠି ଦୀର୍ଘ ଦିନରୁ ଘରୋଇ ଅନୁଦାନପ୍ରାପ୍ତ କଲେଜର ପଡ଼ିରହିଥିବା ପେନସନ ମାମଲା ଗୁଡିକର ସମାଧାନ କରାଯାଇ ଶିକ୍ଷକ ଓ ଅଣ ଶିକ୍ଷକଙ୍କୁ ପେନସନ ପ୍ରଦାନ କରାଯାଇଛି ।