ସର୍ବ ଭାରତୀୟ ସ୍ତରରେ ଓଡ଼ିଶା ଅଗ୍ନିଶମ ସେବା ସଂସ୍ଥା ପ୍ରଥମ

ଭୁବନେଶ୍ୱର: ଓଡ଼ିଶା ଅଗ୍ନିଶମ ସେବା ସଂସ୍ଥାକୁ୨୦୨୧ ମସିହା ପାଇଁ ସର୍ବ ଭାରତୀୟ ସ୍ତରରେ  ପୁରସ୍କୃତ  । ସର୍ବ ଶ୍ରେଷ୍ଠ ଅଗ୍ୱିଶମ ସେବା ସଂସ୍ଥା ଭାବେ ବିବେଚନା କରାଯାଇଛି  । ଦିଲ୍ଲୀର ନୋଇଡ଼ା ଠାରେ ଗତ ଜିସେମ୍ବର ୨ ତାରିଖ ଛାରୁ ୫ ତାରିଖ ପର୍ଯ୍ୟନ୍ତ Institution Of Fire Engineers ଦ୍ୱାରା ଆୟୋଜିତ ଆନ୍ତର୍ଜାତୀୟ Fire India -2021  ମେଳା ଅବସରରରେ ଏହବି ପୁରସ୍କାର ଘୋଷଣା କରାଯାଇଥିଲା  । ଓଡ଼ିଶା ପଛକୁ ତାମିଲନାଡୁ ଅଗ୍ନିଶମ ସେବା ଦ୍ୱିତୀୟ ଓ ଗୁଜୁରାଟ ଅଗ୍ନିଶମ ସେବା ତୃତୀୟ ସ୍ଥାନ ଅଧିକାର କରିଥିଲା  । ଆୟୋଜକ ମାନେ ଓଡ଼ିଶା ଅଗ୍ନିଶମ ସେବା ସଂସ୍ଥାର ମୁଖ୍ୟତଃ ବିପର୍ଯ୍ୟୟ ମୁକାବିଲା କରିବାର ଦକ୍ଷତାକୁ ବିଚାରକୁ ନେଇ ଏହି ପୁରସ୍କାର ଘୋଷଣା କରିଛନ୍ତି  ।

ଓଡ଼ଶା ଅଗ୍ନିଶମ ସେବା ସଂସ୍ଥା କେବଳ ରାଜ୍ୟ ନୁହେଁ, ରାଜ୍ୟ ବାହାରେ ମଧ୍ୟ ବିପର୍ଯ୍ୟୟ ମୁକାବିଲା କରିବାରେ ସୁନାମ ଅର୍ଜନ କରିଛି  । ୨୦୧୪ ମସିହାରେ ହୁଡହୁଡ ସମୟରେ ଆନ୍ଧ୍ରପ୍ରଦେଶ, ୨୦୧୮ ମସିହାରେ ମେଘାଳୟର ଖଣି ମୁକାବିଲା, କେରଳ ବନ୍ୟା, ପଶ୍ଚିମବଙ୍ଗ ଅମ୍ଫାନ ମହାବାତ୍ୟା ମୁକାବିଲା ଆଦି ପ୍ରତିଟି ବିପର୍ଯ୍ୟୟରେ ଲିଭାଇଛି ପ୍ରମୁଖ ଭୂମିକା  । ଏହା ସହିତ ପ୍ରତିବର୍ଷ ରାଜ୍ୟକୁ ଆସୁଥିବା ବାତ୍ୟା ଓ ବନ୍ୟାରେ ଓଡିଶା ଅଗ୍ନିଶମ ବିଭାଗ ନିରନ୍ତର କର୍ଯ୍ୟ ଜାରି ରଖିଛି  । ଓଡିଶାରେ ସମଗ୍ର ଦେଶରେ ସର୍ବାଧିକ ଅଗ୍ନିଶମ କେନ୍ଦ୍ର ରହିଛି  । ଅର୍ଥାତ ୩୪୨ ଟି ଅଗ୍ନିଶମ କେନ୍ଦ୍ର କେବଳ ଓଡିଶାରେ ହିଁ ରହିଛି  ।

ଓଡ଼ଶା ଅଗ୍ନିଶମ ସେବା ସଂସ୍ଥାକୁ ଏପରି ପ୍ରଶଂସା ଓ ପୁରସ୍କାର ପ୍ରତିଟି କ୍ରର୍ମଚାରୀଙ୍କ ପ୍ରତି ପ୍ରେରଣ ସାଜିଛି  । ନିରନ୍ତର କାର୍ଯ୍ୟ ଓ ସଫଳ ମୁକାବିଲା ଦିଗରେ ଆହୁରି ସାହାସ ଯୋଗାଇଛି  । ସେପଟେ ଏହି ପୁରସ୍କାର ପାଇବା ପରେ ଅଗ୍ନିଶମ ବିଭାଗରେ ଖୁସିର ଲହରୀ ଖେଳିଯାଇଛି  । ଉତ୍ସାହ ଓ ଆଗ୍ରହର ସହ ଆଗାମୀ କାର୍ଯ୍ୟ କରିବା ନିମନ୍ତେ ଏହି ପୁରସ୍କାର ଅଗ୍ନିଶମ କର୍ମଚାକରୀଙ୍କୁ ପ୍ରେରଣା ଯୋଗାଇବ  ।

।