ଭୁବନେଶ୍ୱର: ଇଣ୍ଡିଆନ ସୁପର ଲିଗ୍ ଏବଂ ଏଏଫ୍ସି କପ୍ ପୂର୍ବରୁ ଓଡ଼ିଶା ଏଫସିର ଏକ ଟିମ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟି ଓଡ଼ିଶା ଏଫସିର ଏକ ଜର୍ସି ଉପହାର ଦେଇଛନ୍ତି। ଓଡ଼ିଶା ଏଫ୍ସିକୁ ମୁଖ୍ୟମନ୍ତ୍ରୀ ଶୁଭେଚ୍ଛା ଜଣାଇଥିଲେ।
ଏହି ଅବସରରେ ଓଡ଼ିଶା ଏଫ୍ସିର ମୁଖ୍ୟ ପ୍ରଶିକ୍ଷକ ସର୍ଗିଓ ଲୋବେରା, ଅଧିନାୟକ ତଥା ଗୋଲ କିପର ଅମରିନ୍ଦର ସିଂ ଏବଂ ଖେଳାଳି ଟଙ୍କଧର ବାଗ୍ ଉପସ୍ଥିତ ଥିଲେ। ଫୁଟବଲ୍କୁ ସହାୟତା ଯୋଗାଉଥିବାରୁ ତଥା ଖେଳାଳିଙ୍କ ପାଇଁ ଶ୍ରେଷ୍ଠ ଭିତ୍ତିଭୂମି ଯୋଗାଇ ଦେଉଥିବାରୁ ଦଳର ପ୍ରଶିକ୍ଷକ ଓ ଅଧିନାୟକ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି।
