ସୁସ୍ଥ ହେଲେ ଆଉ ୧୭ ଆକ୍ରାନ୍ତ, ଜାଣନ୍ତୁ କେଉଁଠୁ…
ଭୁବନେଶ୍ୱର: ରାଜ୍ୟ ପାଇଁ ଆଉ ଭଲ ଖବର । ସୁସ୍ଥ ହେଲେ ଆଉ ୧୭ ଜଣ କରୋନା ଆକ୍ରାନ୍ତ । ଏନେଇ ଆଜି ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି । ରାଜ୍ୟରେ ଗୋଟିଏ ପଟେ କରୋନା ଆକ୍ରାନ୍ତଙ୍କ ସଂଖ୍ୟ ବଢ଼ିଚାଲିଥିବା ବେଳେ ସୁସ୍ଥ ହେବାର ସଂଖ୍ୟା ମଧ୍ୟ ବଢ଼ି ଚାଲିଛି । ତେବେ ଆଜି ୧୭ ଜଣ ସୁସ୍ଥଙ୍କ ମଧ୍ୟରୁ ସୁନ୍ଦରଗଡ଼ରୁ ୭ ଜଣ ଓ ଖୋର୍ଦ୍ଧାରୁ ୫ ଜଣ ରହିଥିବା ବେଳେ ଭଦ୍ରକରୁ ୩ ଓ ବାଲେଶ୍ୱରରୁ ଦୁଇ ସୁସ୍ଥ ହୋଇଛନ୍ତି । ଏହା ରାଜ୍ୟ ପାଇଁ ତଥା ଦେଶ ପାଇଁ ଗୋଟିଏ ଭଲ ଖବର ନିଶ୍ଚୟ । ନିୟମିତ ବ୍ୟବଧାନରେ ଅନେକ ରୋଗୀ ସୁସ୍ଥ ହେଉଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ରହିଛି ।
ତେବେ ରାଜ୍ୟରେ ଏବେ ସୁଦ୍ଧା ମୋଟ ୮୫ ଜଣ ସୁସ୍ଥ ହୋଇଥିବା ଖବର ରହିଛି । ମୋଟ୍ ପଜେଟିଭ୍ ସଂଖ୍ୟା ୩୯୧ରେ ପହଞ୍ଚିଛି । ଓ ୩ ଜଣଙ୍କ ମୃତ୍ୟୁ ହୋଇଛି ।
ସର୍ବାଧିକ ଆକ୍ରାନ୍ତଙ୍କ ସଂଖ୍ୟା ଗଞ୍ଜାମରେ ୧୩୭ ରହିଥିବା ବେଳେ ଯାଜପୁରରେ ୬୦, ଖୋର୍ଦ୍ଧାରେ ୫୦, ବାଲେଶ୍ୱରରେ ୪୨, ଭଦ୍ରକ ୩୧, ,ଅନୁଗୁଳ ୧୫, ସୁନ୍ଦରଗଡ଼ ୧୪, କେନ୍ଦ୍ରାପଡ଼ା ୯, ମୟୁରଭଞ୍ଜ ୮, ଜଗତସିଂପୁର ୫, ପୁରୀ ୩, ବୌଦ୍ଧ ୩, କେନ୍ଦୁଝର ୨, କଳାହାଣ୍ଡି ୨, ଝାରସୁଗୁଡ଼ା ୨, କଟକ ୨, ବଲାଙ୍ଗିର ୨, ନୟାଗଡ଼ ୧, କରୋପୁଟ ୧, ଢ଼େଙ୍କାନାଳ ୧, ଦେଓଗଡ଼ରୁ ଗୋଟିଏ ଲେଖାଏଁ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି ।
