ପଞ୍ଚାୟତ ନିର୍ବାଚନ ପରେ ସଦସ୍ୟ ସଂଗ୍ରହ କରିବ କଂଗ୍ରେସ

ଭୁବନେଶ୍ୱର: ପଞ୍ଚାୟତ ନିର୍ବାଚନ ପରେ ମାର୍ଚ୍ଚ ପ୍ରଥମ ସପ୍ତାହରୁ କଂଗ୍ରେସ ଆରମ୍ଭ କରିବ ସଦସ୍ୟ ସଂଗ୍ରହ ଅଭିଯାନ । ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ପିସିସି ଉପସଭାପତି ଯଜ୍ଞେଶ୍ୱର ବାବୁ । ଏହାସହିତ ଦଳର ସଙ୍ଗଠନକୁ ମଜବୁତ କରିବା ପାଇଁ ବ୍ଲକ ଓ ଜିଲ୍ଲା ସ୍ତରରେ ସାଙ୍ଗଠନିକ ନିର୍ବାଚନ ପ୍ରକ୍ରିୟା ଆରମ୍ଭ ହେବ । ଏଥିପାଇଁ ପ୍ରଦେଶର ନିର୍ବାଚନ ଅଧିକାରୀ ଭାବେ ଏଆଇସିସି ପକ୍ଷରୁ ରାଜସ୍ଥାନର ରାଜ୍ୟସଭା ସାଂସଦ ନିରୋଜ ଡାଙ୍ଗୀଙ୍କୁ ନିଯୁକ୍ତ କରାଯାଇଛି ।

ପ୍ରତ୍ୟକ ବୁଥ ସ୍ତରରେ ଅତି କମରେ 100 ଜଣ ସଦସ୍ୟ ସଂଗ୍ରହ କରାଯିବ । ମାର୍ଚ୍ଚ ପ୍ରଥମ ସପ୍ତାହରେ ପ୍ରାଦେଶିକ ନିର୍ବାଚନ ଅଧିକାରୀ ପିସିସି ସଭାପତିଙ୍କ ସହ ଆଲୋଚନା କରି ସଦସ୍ୟ ସଂଗ୍ରହ ପ୍ରକ୍ରିୟାକୁ ତ୍ୱାରାନ୍ୱିତ କରାଯିବ  । ପଞ୍ଚାୟତ ନିର୍ବାଚନ ସମୟରେ କଂଗ୍ରେସ ଭୋଟରଙ୍କ ପାଖରେ ପହଁଚିବ  । ସଦସ୍ୟ ସଂଗ୍ରହ ଅଭିଯାନ ଆରମ୍ଭ କରିବ  । ତେବେ ଏହି ପକ୍ରିୟାରେ ଶୁପ୍ତ ହୋଇପଡିଥିବା ରାଜ୍ୟ କଂଗ୍ରେସ ସତେଜ ହେଉଛି କି ନାହିଁ ତାହା ଦେଖିବା କଥା  ।