ଭୁବନେଶ୍ବର: ଓଡ଼ିଶାରେ କ୍ଷମତାକୁ ଫେରିବାକୁ କଂଗ୍ରେସର ସ୍ଵତନ୍ତ୍ର ଷ୍ଟ୍ରାଟେଜି । ଏଆଇସିସି ରଣନୀତି ପ୍ରସ୍ତୁତ କରି ରାଜ୍ୟ କଂଗ୍ରେସକୁ ଦେଉଛି ଟାସ୍କ । ସେହି ଟାସ୍କ ଠିକ୍ ରେ ହେଉଛି କି ନାହିଁ, ଆଉ କଣ ଦରକାର, ତାକୁ ନେଇ ଆଜି ଦିଲ୍ଲୀରେ ପର୍ଯ୍ୟବେକ୍ଷକଙ୍କର ଏକ ବୈଠକ କରିବେ ରାହୁଲ ଗାନ୍ଧି। ଏଥିରେ ଯୋଗ ଦେବେ ରାଜ୍ୟ କଂଗ୍ରେସ ପ୍ରଭାରୀ ଅଜୟ ଲଲୁ, ପିସିସି ସଭାପତି ଭକ୍ତ ଚରଣ ଦାସ, କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ ଓ ଅନ୍ୟ ବରିଷ୍ଠ ନେତା। ଆଗକୁ ଜିଲ୍ଲା ସଭାପତି ନିଯୁକ୍ତ ହେବାକୁ ଥିବା ବେଳେ ଏହାର ମାପଦଣ୍ଡ କଣ ରହିବ, ରାହୁଲ ଗାନ୍ଧି ତାହା ନିର୍ଦ୍ଧାରଣ କରିବେ।
ରାହୁଲ ଗାନ୍ଧିଙ୍କ ଫୋକସରେ ଓଡିଶା ରହିଥିବାରୁ କିଭଳି ତୃଣମୁଳ ସ୍ତରରେ ସଂଗଠନ ସୁଦୃଢ କରାଯିବ ସେନେଇ ବୈଠକରେ ଆଲୋଚନା କରାଯିବ। ଏହାକୁ ନେଇ ରାଜ୍ୟ କଂଗ୍ରେସ ବେଶ ଉତ୍ସାହିତ। ଅକ୍ଟୋବର ୨ ରୁ ଏକ ବର୍ଷ ଧରି କଂଗ୍ରେସ ରାଜ୍ୟରେ ପଦଯାତ୍ରା କରିବାର ଅଛି। ଏହାର ରଣନୀତି ମଧ୍ୟ ପ୍ରସ୍ତୁତ କରାଯିବ।
