ପୁରାତନ ଛାତ୍ରଛାତ୍ରୀଙ୍କୁ ମୁଖ୍ୟମନ୍ତ୍ରୀଙ୍କ ଆହ୍ୱାନ; ନିଜ ପ୍ରିୟ ସ୍କୁଲକୁ ପୋଷ୍ୟ ଭାବେ ଗ୍ରହଣ କର
ଭୁବନେଶ୍ୱର: ନିଜ ପ୍ରିୟ ସ୍କୁଲର ଉନ୍ନତି ପାଇଁ ଆଗେଇ ଆସିବାକୁ ମୁଖ୍ୟମନ୍ତ୍ରୀଙ୍କ ଆହ୍ୱାନ । ଆରମ୍ଭ ହୋଇଥିବା ‘ମୋ ସ୍କୁଲ’ଅଭିଯାନ ବ୍ୟାପକ ସୁଯୋଗ ସୃଷ୍ଟି କରିଛି । ତେଣୁ ଏହି କ୍ରମର ସାମିଲ ହେବା ପାଇଁ ପୁରାତନ ଛାତ୍ରଛାତ୍ରୀଙ୍କୁ ଆହ୍ୱନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ମୋ ସ୍କୁଲ କାର୍ଯ୍ୟକ୍ରମରେ ସାମିଲ ହେବା ପାଇଁ କିଛି ଦିନ ତଳେ ରାଜ୍ୟର ସମସ୍ତ ବିଧାୟକ ଏବଂ ସାସଂଦଙ୍କୁ ଆହ୍ୱାନ ଦେଇଥିଲେ ମୁଖ୍ୟମନ୍ତ୍ରୀ । ପୋଷ୍ୟ ସ୍କୁଲ ଭାବେ ବିଦ୍ୟାଳୟକୁ ଗ୍ରହଣ କରିବା ସହ ତାହାର ଦାୟିତ୍ନ ନେବାକୁ କହିଥିଲେ ମୁଖ୍ୟମନ୍ତ୍ରୀ । ଏହି ଆହ୍ୱାନରେ ସାମିଲ ହୋଇଛନ୍ତି ଅନେକ ବିଧାୟକ ଏବଂ ସାସଂଦ । ଏବେ ପୁରାତନ ଛାତ୍ରଛାତ୍ରୀ ମଧ୍ୟ ଏଦିଗରେ ଆଗେଇ ଆସିବା ଦରକାର ବୋଲି କହିଛନ୍ତି ମୁଖ୍ୟମନ୍ତ୍ରୀ ।
ବିଦ୍ୟାଳୟ ସଭିଙ୍କ ପାଇଁ ଏକ ସ୍ମୃତି । ଏହାକୁ ସତେଜ ରଖିବା ସହ ପରିବାର ଭଳି ଏହାର ମଧ୍ୟ ଯତ୍ନ ନେବା ଆମ୍ଭ ସଭିଙ୍କର ଦାୟିତ୍ୱ ବୋଲି କହିଥିଲେ ମୁଖ୍ୟମନ୍ତ୍ରୀ । ବିଦ୍ୟାଳର କିଭଳି ଉନ୍ନତି ସାଙ୍ଗକୁ ସୌକ୍ଷିକ ବାତାବରଣ ସୃଷ୍ଟି ହୋଇପାରିବ ସେନେଇ ପୁରୁଣା ଛାତ୍ରଛାତ୍ରୀ ଆଗେଇ ଆସିବା ଦରକାର । ପୁରାତନ ଛାତ୍ରଛାତ୍ରୀ ନିଜେ ପଢୁଥିବା ବିଦ୍ୟାଳୟକୁ ପୋଷ୍ୟ ସ୍କୁଲ ଭାବେ ଗ୍ରହଣ କରିବାକୁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
