ପ୍ଲାଜମା ସଂଗ୍ରହ ଅଭିଯାନ ଆହୁରି ବ୍ୟାପକ କରିବାକୁ ମୁଖ୍ୟମନ୍ତ୍ରୀଙ୍କ ଆହ୍ୱାନ
1 min readଭୁବନେଶ୍ୱର: କରୋନା ସଂକ୍ରମଣ ସହ ଯୁଦ୍ଧ ଭିତରେ ରାମବାଣ ପାଲଟିଛି ପ୍ଲାଜମା ଥେରାପି । ରାଜ୍ୟରେ ସଂକ୍ରମିତଙ୍କ ସଂଖ୍ୟା ବଢିବା ସହ ବହୁପରିମାଣରେ ସୁସ୍ଥ ହେଉଛନ୍ତି ରୋଗୀ । ତେଣୁ ଏହି ସୁସ୍ଥ ରୋଗୀଙ୍କ ଠାରୁ ପ୍ଲାଜମା ସଂଗ୍ରହ କରି ସଂକ୍ରମିତଙ୍କୁ ସଂକ୍ରମଣ ମୁକ୍ତ କରିବାକୁ ପଦକ୍ଷେପ ନିଆଯାଇଛି । କିଭଳି ରାଜ୍ୟରେ ସୁସ୍ଥ ହାର ପଢିବ ତାକୁ ଦୃଷ୍ଟିରେ ରଖି ବିଭିନ୍ନ ଜିଲ୍ଲାରେ ପ୍ଲାଜମା ବ୍ୟାଙ୍କ ଖୋଲୁଛନ୍ତି ସରକାର ।
ପରୀକ୍ଷା ମୂଳକ ଭାବେ ପ୍ରଥମ ପର୍ଯ୍ୟାୟରେ ମିଳିଥିବା ସଫଳତାକୁ ଦୃଷ୍ଟିରେ ରଖି ତତ୍ପର ହୋଇଛନ୍ତି ସରକାର । କିଭଳି କରୋନାରୁ ସୁସ୍ଥ ଲୋକେ ଉତ୍ସାହିତ ହୋଇ ଅନ୍ୟମାନଙ୍କୁ ସାହାଯ୍ୟ କରିପାରିବେ ସେ ନେଇ ପ୍ରୟାସ ଜାରି ରହିଛି । ତେଣୁ କରୋନା ଚିକିତ୍ସା କ୍ଷେତ୍ରରେ ଆନ୍ଦୋଳନର ରୂପ ନେଉଛି ପ୍ଲାଜମା ଦାନ । ରାଉରକେଲା ଆଇଜିଏଚ୍ରେରେ ପ୍ଲାଜମା ବ୍ୟାଙ୍କର ଶୁଭାରମ୍ଭ ପରେ ଆନ୍ଦୋଳନ ଆହୁରି ଦୃଢ ହୋଇଛି ।
ମୁଖ୍ୟମନ୍ତ୍ରୀ ଶ୍ରୀ @Naveen_Odisha ରାଉରକେଲାରେ ପ୍ଲାଜମା ବ୍ୟାଙ୍କର ଶୁଭାରମ୍ଭ କରି ରାଜ୍ୟରେ ଜନଆନ୍ଦୋଳନର ରୂପ ନେଇଥିବା ପ୍ଲାଜମା ଦାନକୁ ଆହୁରି ଦୃଢ଼ କରିଛନ୍ତି। ମାତ୍ର ୧୫ ଦିନରେ ୭୦ୟୁନିଟ ପ୍ଲାଜମା ସଂଗ୍ରହ ହୋଇଥିବା ବେଳେ ଏହାକୁ ଆହୁରି ବ୍ୟାପକ କରିବା ପାଇଁ ସେ ଆହ୍ୱାନ କରିଛନ୍ତି। #DonatePlasmaSaveLives pic.twitter.com/5iUQxIuleb
— CMO Odisha (@CMO_Odisha) August 1, 2020
ଏହା ମଧ୍ୟରେ ବିଭିନ୍ନ ସ୍ଥାନରୁ ମାତ୍ର ୧୫ ଦିନରେ ୪୦ ୟୁନିଟ ପ୍ଲାଜମା ସଂଗ୍ରହ ହୋଇଥିବା ହୋଇଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ୍ କରି ସୂଚନା ଦେଇଛନ୍ତି । ଆଗକୁ ପ୍ଲାଜମା ସଂଗ୍ରହ ଅଭିଯାନ ଆହୁରି ବ୍ୟାପକ କରିବାକୁ ମୁଖ୍ୟମନ୍ତ୍ରୀ ଆହ୍ୱାନ ଦେଇଛନ୍ତି ।