ଅଲଗା ହେଲା ମିଶନଶକ୍ତି, ମହିଳାଙ୍କ ପାଇଁ ରାଜନୈତିକ ଓ ଅର୍ଥନୈତିକ ସ୍ୱତନ୍ତ୍ରତାକୁ ଫୋକସ୍

1 min read

ଭୁବନେଶ୍ୱର: ବିଶ୍ୱ ମହିଳା ଦିବସ ପୂର୍ବରୁ ମିଶନ ଶକ୍ତିକୁ ନୂଆ ପରିଚୟ ଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କ୍ୟାବିନେଟ୍‌ର ମୋହର ପରେ ମିଶନ ଶକ୍ତି ସ୍ୱତନ୍ତ୍ର ବିଭାଗ ହୋଇଛି । ମହିଳାଙ୍କୁ ସଶକ୍ତ କରିବା ସହ ସେମାନଙ୍କୁ ଆର୍ଥିକ ଓ ସାମାଜିକ କ୍ଷେତ୍ରରେ ସ୍ୱାବଲମ୍ବୀ କରିବା ପାଇଁ ମିଶନଶକ୍ତି ଯେଉଁ କାର୍ଯ୍ୟ କରୁଥିଲା, ତାହା ତ୍ୱରାନିତ ହେବ । ମହିଳା ଓ ଶିଶୁକଲ୍ୟାଣ ବିଭାଗରୁ ମିଶନ ଶକ୍ତିକୁ ଅଲଗା କରି ରାଜ୍ୟ ସରକାର ଏହି ପଦକ୍ଷେପ ନେଇଛନ୍ତି ।

ମହିଳାଙ୍କୁ ସଶକ୍ତ କରିବାରେ ଓଡ଼ିଶା ସବୁଠୁ ଆଗରେ । ମହିଳାଙ୍କ ପାଇଁ ରାଜନୈତିକ ଓ ଅର୍ଥନୈତିକ ସ୍ୱତନ୍ତ୍ରତାକୁ ଫୋକସ୍‌ । ମିଶନଶକ୍ତିରେ ସାମିଲ ହେଲେଣି ୮୦ଲକ୍ଷରୁ ଅଧିକ ମହିଳା । ଆନ୍ତର୍ଜାତୀୟ ମହିଳା ଦିବସ ପୁର୍ବରୁ ମୁଖ୍ୟମନ୍ତ୍ରୀ ମହିଳାଙ୍କୁ ଦେଇଛନ୍ତି ବଡ଼ ଭେଟି । ମହିଳାଙ୍କ ଅର୍ଥନୈତିକ ବିକାଶ ସହ ସବୁକ୍ଷେତ୍ରରେ ସେମାନଙ୍କୁ ତୃଣମୂଳ ସ୍ତରରୁ ସଶକ୍ତ କରିବା ପାଇଁ ରାଜ୍ୟ ସରକାର ଗୁରୁତ୍ୱ ଦେଇଛନ୍ତି । ସେଥିଲାଗି ମିଶନଶକ୍ତିକୁ ସ୍ୱତନ୍ତ୍ର ବିଭାଗ କରାଯାଇଛି । ମହିଳାଙ୍କୁ ବିଭିନ୍ନ କ୍ଷେତ୍ରରେ ଉତ୍ତମ ସେବା ଯୋଗାଇବା, ଏସ୍‌ଏଚ୍‌ଜି ମାଧ୍ୟମରେ ଆର୍ଥିକ ସ୍ୱାବଲମ୍ବୀ କରିବା ଓ ସାମାଜିକ ସୁରକ୍ଷା ଦେବା ଦିଗରେ ମିଶନଶକ୍ତି ବିଭାଗ ବେଶ୍ ସହାୟକ ହେବ । ରାଜ୍ୟ ସରକାର ସବୁବେଳେ ମହିଳାଙ୍କୁ ଗୁରୁତ୍ୱ ଦେଇ ଆସିଥିବା ବିଜେଡି କହିଛି ।

୨୦୧୨ ମସିହାରୁ ଓଡ଼ିଶାରେ ପଞ୍ଚାୟତ ଓ ପୌରସଂସ୍ଥାରେ ମହିଳାଙ୍କ ପାଇଁ ୫୦ପ୍ରତିଶତ ସ୍ଥାନ ସଂରକ୍ଷିତ ରହିଛି । ସଂସଦ ଓ ବିଧାନସଭାରେ ମହିଳାଙ୍କ ପାଇଁ ୩୩ ପ୍ରତିଶତ ସ୍ଥାନ ସଂରକ୍ଷଣ ପାଇଁ ବିଜେଡି ସଂସଦରେ ସ୍ୱର ଶାଣିତ କରିବା ସହ ଦେଶର ସବୁ ରାଜନୈତିକ ଦଳ ପାଖରେ ଦାବି ରଖିଛି । ବିଶେଷକରି ରାଜ୍ୟ ଅର୍ଥନୀତିରେ ଏସ୍‌ଏଚ୍‌ଜି ଗୁରୁତ୍ୱପୂର୍ଣ୍ଣ ଭୂମିକା ନେଉଥିବାରୁ ମହିଳାଙ୍କୁ ମୁଖ୍ୟମନ୍ତ୍ରୀ ମିଶନଶକ୍ତି ବିଭାଗ ଉପହାର ଦେଇଥିବା ମହିଳା ବିଜେଡି ସଭାନେତ୍ରୀ ତଥା ବିଧାୟିକା ସ୍ନେହାଙ୍ଗିନୀ ଛୁରିଆ କହିଛନ୍ତି ।

ମହିଳାଙ୍କୁ କେବଳ ରାଜନୈତିକ କ୍ଷେତ୍ରରେ ନୁହେଁ, ସବୁକ୍ଷେତ୍ରରେ କିପିର ସଶକ୍ତ କରାଯିବ ସେନେଇ ବିଜେଡି ସବୁବେଳେ ଉଦ୍ୟମ ଜାରି ରଖିଛି । ୨୦୨୦ ମାର୍ଚ୍ଚ ୮ ତାରିଖରେ ମିଶନଶକ୍ତିକୁ ଏକ ସ୍ବତନ୍ତ୍ର ବିଭାଗ କରିବା ପାଇଁ ମୁଖ୍ୟମନ୍ତ୍ରୀ ଘୋଷଣା କରିଥିଲେ । ଫଳରେ ଉଭୟ ଗ୍ରାମାଞ୍ଚଳ ଓ ସହରାଞ୍ଚଳ ମହିଳା ବିଶେଷ ଉପକୃତ ହେବେ ବୋଲି ସରକାର କହିଛନ୍ତି ।

Opn Commnet Area

Leave a Reply

Your email address will not be published. Required fields are marked *

Close Bitnami banner