ମାଆ ତାରିଣୀ ମନ୍ଦିରର ବିକାଶ ପାଇଁ ଖର୍ଚ୍ଚ ହେବ ଆଉ ୫୦ କୋଟି ଟଙ୍କା

କେନ୍ଦୁଝର : ଘଟଗାଁର ମାଆ ତାରିଣୀ ମନ୍ଦିରର ବିକାଶ ପାଇଁ ଖର୍ଚ୍ଚ ହେବ ଆଉ ୫୦ କୋଟି ଟଙ୍କା । ୫୦ କୋଟି ଟଙ୍କା ପୂର୍ବରୁ ଅନୁମୋଦନ ହୋଇ କାମ ରାଯାଉଥିବାବେଳେ ଏହାକୁ ଜାତୀୟ ପର୍ଯ୍ୟଟନସ୍ଥଳୀର ମାନ୍ଯତା ଦେବାକୁ ଆଉ ୫୦ କୋଟି ଟଙ୍କା ଖର୍ଚ୍ଚ କରାଯିବ ବୋଲି ଘୋଷଣା କରିଛନ୍ତି ମୁଖ୍ଯମନ୍ତ୍ରୀ ମୋହନ ମାଝୀ । ପୂର୍ବରୁ ବିଜେଡି ସରକାର ସମୟରେ ମନ୍ଦିରର ରୂପାନ୍ତରଣ ପାଇଁ ୫୦ କୋଟି ଟଙ୍କା ଅନୁମୋଦନ ହୋଇଥିଲା । ତାହା ମିଶି ଏବେ ମୋଟ ୧୦୦ କୋଟି ଟଙ୍କାରେ ବିକାଶ କାମ କରାଯିବ ।

ମୁଖ୍ଯମନ୍ତ୍ରୀ ହେବାପରେ ଆଜି ପ୍ରଥମକରି କେନ୍ଦୁଝର ଗସ୍ତରେ ଯାଇଥିଲେ ମୁଖ୍ଯମନ୍ତ୍ରୀ ମୋହନ ମାଝୀ । କେନ୍ଦୁଝରବାସୀ ମୁଖ୍ଯମନ୍ତ୍ରୀଙ୍କୁ ଉଚ୍ଛ୍ବସିତ ସମ୍ପର୍ଦ୍ଧନା କରିଥିଲେ । ରୋଡ ଶୋରେ ଯାଇ ମା’ ତାରିଣୀ ପୀଠରେ ପୂଜାର୍ଚ୍ଚନା କରିବା ସହ ମନ୍ଦିର ପୂଜକଙ୍କ ସହ ଆଲୋଚନା କରିଥିଲେ ମୁଖ୍ଯମନ୍ତ୍ରୀ । ପୀଠ ଯେପରି ସାରା ଦେଶରେ ବ୍ୟାପକ ହୋଇପାରିବ, ସ୍ୱତନ୍ତ୍ର ପର୍ଯ୍ୟଟନସ୍ଥଳୀର ମାନ୍ଯତା ପାଇବ ସେଥିପାଇଁ ରାଜ୍ଯ ସରକାର ପ୍ରତିଶୃତିବଦ୍ଧ । ଏହି ପୀଠ କିପରି ଜାତୀୟ ପର୍ଯ୍ୟଟନସ୍ଥଳୀର ମାନ୍ୟତା ପାଇବ, ସେନେଇ କେନ୍ଦ୍ର ନିକଟରେ ଦାବି ରଖାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।