ଆସନ୍ତାକାଲି ପ୍ରକାଶ ପାଇବ ଯୁକ୍ତ ୨ ପରୀକ୍ଷା ଫଳ, ବିଜ୍ଞାନ ଓ ବାଣିଜ୍ୟ ଫଳ ବାହାରିବ

ଭୁବନେଶ୍ୱର: ଆସନ୍ତାକାଲି ପ୍ରକାଶ ପାଇବ ଯୁକ୍ତ ଦୁଇ ପରୀକ୍ଷା ଫଳ । ଅପରାହ୍ନ ୪ଟାରେ ପ୍ରକାଶ ପାଇବ ପରୀକ୍ଷା ଫଳ । ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଏନେଇ ସୂଚନା ଦେଇଛନ୍ତି । ଆସନ୍ତାକାଲି ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳ ପ୍ରକାଶ ପାଇବ । ସେହିପରି କଳା ପରୀକ୍ଷା ଫଳ ପ୍ରକାଶ ପାଇବ ପାଇଁ ଆଇ ଏକ ସପ୍ତାହ ସମୟ ଲାଗିବ ବୋଲି କହିଛନ୍ତି । ଅଗଷ୍ଟ ପ୍ରଥମ ସପ୍ତାହ ସୁଦ୍ଧା କଳା ପରୀକ୍ଷା ଫଳ ପ୍ରକାଶ ପାଇବ । ପରୀକ୍ଷାର୍ଥୀ ମାନେ orissaresults.nic.in, chseodisha.nic.in ୱେବସାଇଟ୍ ଭିଜିଟ କରି ମାର୍କ ଦେଖିପାରିବେ । ଆସନ୍ତାକାଲି ଅପରାହ୍ନ ୪ଟାରେ ଏହି ଦୁଇ ୱେବସାଇଟରେ ପରୀକ୍ଷା ଫଳ ଉବଲବ୍ଧ ହେବ ।

ଏଥର ଦୁଇ ଲକ୍ଷରୁ ଅଧିକ ଛାତ୍ରଛାତ୍ରୀ ଦେଇଛନ୍ତି ପରୀକ୍ଷା । କରୋନା ପରେ ପ୍ରଥମ ଥର ହୋଇଥିଲା ଅଫଲାଇନ୍‌ ପରୀକ୍ଷା । ତେଣୁ ପରୀକ୍ଷା ଆୟୋଜନ କରିବା ବିଭାଗ ପାଇଁ ଚ୍ୟାଲେଞ୍ଜ ରହିଥିଲା । ଧାର୍ଯ୍ୟ ସମୟ ମଧ୍ୟରେ ରେଜଲ୍ଟ ପ୍ରକାଶ କରିବା ପାଇଁ ଚେଷ୍ଟା କରିଥିଲୁ ବୋଲି ମନ୍ତ୍ରୀ କହିଛନ୍ତି । ତେବେ ଏଥର ରେଜଲ୍ଟ ଭଲ ହୋଇଥିବା ମନ୍ତ୍ରୀ ସୂଚନା ଦେଇଛନ୍ତି ।  ଏହା ପୂର୍ବରୁ ଦଶମ ପରୀକ୍ଷା ଫଳ ପ୍ରକାଶ ପାଇଥିଲା ଜୁଲାଇ ୬ ତାରିଖରେ ପରୀକ୍ଷା ଫଳ ପ୍ରକାଶ ପାଇଥିଲା । ଓଡିଶାରେ ୯୦.୫୫ ପ୍ରତିଶତ ପାସ୍ ହାର ରହିଥିଲା ।