ପ୍ରଥମ ପର୍ଯ୍ୟାୟରେ ଓଡିଶାର ୪ଟି ଲୋକସଭା ଆସନରେ ଚାଲିଛି ମତଦାନ
ଭୁବନେଶ୍ବର: ଓଡ଼ିଶାର ପ୍ରଥମ ପର୍ଯ୍ୟାୟ ନିର୍ବାଚନରେ ରହିଛି କି ଆପଣଙ୍କ ଅଞ୍ଚଳ । ଆସନ୍ତୁ ବିସ୍ତୃତ ଭାବେ ଏବେ ନଜର ପକାଇବା କେଉଁ ଲୋକସଭା କ୍ଷେତ୍ରର କେଉଁ ବିଧାନସଭା ଆସନରେ ଭୋଟ ହେଉଛି ।
ପ୍ରଥମେ ବ୍ରହ୍ମପୁରକୁ ନଜର ପକାଇଲେ ଏହି ଲୋକସଭା କ୍ଷେତ୍ର ଅଧିନସ୍ଥ ୭ଟି ବିଧାନସଭା ଆସନରେ ବି ଭୋଟ ହେଉଛି । ଛତ୍ରପୁର, ଗୋପାଳପୁର, ବ୍ରହ୍ମପୁର, ଦିଗପହଣ୍ଡି, ଚିକିଟି, ମୋହନା ଓ ପାରଳାଖେମୁଣ୍ଡି ଭୋଟ ଦେଉଛି ।
ସେହିପରି କଳାହାଣ୍ଡି ଲୋକସଭା କ୍ଷେତ୍ରର ନୂଆପଡ଼ା, ଖଡ଼ିଆଳ, ଲାଞ୍ଜିଗଡ଼, ଜୁନାଗଡ଼, ଧର୍ମଗଡ଼, ଭବାନୀପାଟଣା ଓ ନର୍ଲାରେ ବି ନେତା ବାଛୁଛନ୍ତି ଜନତା ।
କୋରାପୁଟ ଲୋକସଭା କ୍ଷେତ୍ରର ଗୁଣପୁର, ବିଷମକଟକ, ରାୟଗଡ଼ା, ଲକ୍ଷ୍ମୀପୁର, ଜୟପୁର, କୋରାପୁଟ ଓ ପଟ୍ଟାଙ୍ଗୀରେ ନିର୍ବାଚନ ହେଉଛି ।
ସେହିପରି ନବରଙ୍ଗପୁରର ଉମରକୋଟ, ଝରିଗାଁ, ନବରଙ୍ଗପୁର, ଡାବୁଗାଁ, କୋଟପାଡ଼, ମାଲକାନଗିରି, ଚିତ୍ରକୋଣ୍ଡାରେ ଭୋଟ ହେଉଛି ।
