ବର୍ଷା ଜଳ ସଂରକ୍ଷଣ କରିବ ‘ଛାତ’, ଖର୍ଚ୍ଚ ହେବ ୨୭୦ କୋଟି

ଭୁବନେଶ୍ୱର: ବର୍ଷା ଜଳ ସଂରକ୍ଷଣ ପାଇଁ ରାଜ୍ୟ ସରକାର ଆଣିଛନ୍ତି ନୂଆ ଯୋଜନା ‘ଛାତ’ । କମ୍ୟୁନିଟି ହାର୍ନେସିଙ୍ଗ ଏଣ୍ଡ ହାର୍ଭେଷ୍ଟିଙ୍ଗ ରେନଓ୍ବାଟର ଆର୍ଟିଫିସିଆଲି ଫ୍ରମ ଟେରାସ ଟୁ ଆକ୍ବିଫାୟର’ ଯୋଜନାରେ ବର୍ଷା ଜଳ ଅମଳ ପ୍ରକଳ୍ପକୁ ରାଜ୍ୟ କ୍ୟାବିନେଟ ମଞ୍ଜୁର କରିଛନ୍ତି । ଏହି ଯୋଜନାରେ ପ୍ରାୟ ୩୦ ହଜାର ଘରୋଇ ବିଲଡ଼ିଙ୍ଗ ଏବଂ ୨ହଜାର ସରକାରୀ ବିଲଡ଼ିଙ୍ଗରେ ବର୍ଷା ଜଳ ଅମଳ ପ୍ରକଳ୍ପ କାର୍ଯ୍ୟକାରୀ କରାଯିବ ।

୫୨ଟି ବ୍ଲକ ଏବଂ ୨୭ଟି ସହରାଞ୍ଚଳରେ ଆଗାମୀ ୫ବର୍ଷ ପାଇଁ ପ୍ରକଳ୍ପ ପାଇଁ ୨୭୦ କୋଟି ଖର୍ଚ୍ଚ କରାଯିବ । ଏଥିପାଇଁ ପ୍ରକଳ୍ପ ଖର୍ଚ୍ଚର ୫୦ ପ୍ରତିଶତ ବା ୫୦ହଜାର ଟଙ୍କାର ସବସିଡ଼ି ବ୍ୟବସ୍ଥା କରାଯାଇଛି । ଜଳସମ୍ପଦ ବିଭାଗ ଅଧିନରେ ଥିବା ଭୂତଳ ଜଳ ନିର୍ଦ୍ଦେଶାଳୟ ଏହି ପ୍ରକଳ୍ପ କାର୍ଯ୍ୟକାରୀ କରିବାର ଦାୟିତ୍ୱ ବହନ କରିବ ।