ହୀରାକୁଦର ୫ଟି ଗେଟ୍ ଦେଇ ନିଷ୍କାସିତ ହେଉଛି ବନ୍ୟାଜଳ
ସମ୍ୱଲପୁର: ହୀରାକୁଦର ୫ଟି ଗେଟ୍ ଦେଇ ନିଷ୍କାସିତ ହେଉଛି ବନ୍ୟାଜଳ । ବାମ ପଟୁ ୩ଟି ଓ ଡାହାଣ ପଟୁ ୨ଟି ଗେଟ୍ ଦେଇ ପାଣି ପ୍ରବାହିତ ହେଉଥିବା ବେଳେ ୧ ଲକ୍ଷ ୧୯ ହଜାର ୨୨୭ କ୍ୟୁସେକ୍ ଜଳ ଜଳଭଣ୍ଡାରକୁ ପ୍ରବେଶ କରୁଛି । ସେହିପରି ୧ ଲକ୍ଷ ୧୧ ହଜାର ୨୦୧ କ୍ୟୁସେକ ଜଳ ନିସ୍କାସିତ ହେଉଛି । ଗତକାଲି ପୂଜାର୍ଚ୍ଚନା ପରେ ଖୋଲିଥିଲା ହୀରାକୁଦର ସ୍ଲୁଇସ ଗେଟ୍ ।
ପ୍ରଥମେ ୭ନମ୍ବର ଗେଟ୍ ଦେଇ ପାଣି ଛଡ଼ାଯାଇଥିଲା । ପର୍ଯ୍ୟାୟକ୍ରମେ ୫ଟି ଗେଟ୍ ଦେଇ ବନ୍ୟାଜଳ ନିସ୍କାସିତ ହେଉଛି । ଆଜି ରାତିରେ କଟକ ମୁଣ୍ଡଳିରେ ପହଞ୍ଚିବ ବନ୍ୟାଜଳ । ଏନେଇ ୧୨ଟି ଜିଲ୍ଲାର ଜିଲ୍ଲାପାଳଙ୍କୁ ସତର୍କ ସୂଚନା ଦିଆଯାଇଛି । ଏହି ସମୟ ମଧ୍ୟରେ କୌଣସି ମତ୍ସ୍ୟଜୀବୀ କିମ୍ବା କୌଣସି ବ୍ୟକ୍ତି ନଦୀଶଯ୍ୟାକୁ ନଯିବା ପାଇଁ ଓ କୌଣସି ଗୃହପାଳିତ ପ୍ରାଣୀଙ୍କୁ ନଛାଡ଼ିବା ପାଇଁ ଜାରି କରାଯାଇଛି ସତର୍କ ସୂଚନା ।
ଏଥିସହିତ ପଢ଼ନ୍ତୁ: ଓମିକ୍ରନର ନୂଆ ଉପ ପ୍ରଜାତି ଯୋଗୁଁ ହଟ୍ସ୍ପଟ ପାଲଟିଛି ଖୋର୍ଦ୍ଧା ଜିଲ୍ଲା
