ବିଧାନସଭାରେ ପୁଣି ଉଠିଲା ହାଜତ ମୃତ୍ୟୁ ପ୍ରସଙ୍ଗ,ଆଲୋଚନା ପାଇଁ ଦାବି
ଭୁବନେଶ୍ୱର: ବିଧାନସଭାରେ ଆଜି ପୁଣି ଉଠିଲା ହାଜତ ମୃତ୍ୟୁ ପ୍ରସଙ୍ଗ । ବିରୋଧୀ ଦଳ ନେତା ପ୍ରଦୀପ୍ତ ନାୟକ କହିଥିଲେ, ବାଚସ୍ପତି ରୁଲିଂ ଦିଅନ୍ତୁ । ଗୃହର ସବୁ କାର୍ଯ୍ୟ ବାତିଲ କରି ମୋସନ ଆକାରରେ ହାଜତ ମୃତ୍ୟୁ ପ୍ରସଙ୍ଗ ଆଲୋଚନା ହେଉ ବୋଲି ବିରୋଧୀ ଦଳ ନେତା ପ୍ରଦୀପ୍ତ ନାୟକ କହିଥିଲେ । କଂଗ୍ରେସ ବିଧାୟକ ଦଳ ନେତା ନରସଂହ ମିଶ୍ର କହିଥିଲେ, ହାଜତ ମୃତ୍ୟୁ ମାମଲା ଉଠାଇଥିଲେ । ସେ କହିଥିଲେ ଯେ, ଏନ୍ଏଚ୍ଆର୍ସି ତାଗିଦ କଲେ । ମାନବ ଅଧିକାର ଉଲ୍ଲଂଘନ ହେଉଛି । ଏସ୍ପିଙ୍କୁ କେବଳ ବଦଳି କଲେ ହେବନି, ତାଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ହେବା ଦରକାର ବୋଲି ନରସିଂହ ମିଶ୍ର କହିଥିଲେ ।
ଅନ୍ୟପକ୍ଷରେ ବିଜେଡି ବିଧାୟକ ଅମର ପ୍ରସାଦ ଶତପଥୀ କହିଥିଲେ ଯେ, ହାଜତ ମୃତ୍ୟୁ ଏକ ଦୁଃଖଦ ଘଟଣା । ମୁଲତବୀ ନୋଟିସ ଦେଇଛନ୍ତି ବିରୋଧୀ । କିନ୍ତୁ ମୋସନ ଆକାରରେ କାହିଁକି ଆଲୋଚନା କରିବାକୁ ଦାବି କରୁଛନ୍ତି ।ଏ ପ୍ରସଙ୍ଗ କୋର୍ଟରେ ବିଚାରାଧୀନ ଅଛି । ତେଣୁ ଏହା ଉପରେ ଯଦି ଆଲୋଚନା ହୁଏ, ତେବେ ଘଟଣା ପ୍ରଭାବିତ ହେବାରେ ସମ୍ଭାବନା ଅଛି ।
