ବାରମ୍ବାର ଆତ୍ମାହୁତି ଘଟଣା ପରେ ବିଧାନସଭା ଚାରିପଟକୁ ବନ୍ଦ କଲା କମିଶନରେଟ ପୋଲିସ
ଭୁବନେଶ୍ୱର: ବାରମ୍ବାର ଆତ୍ମାହୁତି ଘଟଣାପରେ ବଢିଲା ବିଧାନସଭାର ସୁରକ୍ଷା । ବିଧାନସଭା ଚାରିପଟକୁ ବନ୍ଦ କଲା କମିଶନରେଟ ପୋଲିସ । ଏଥିରେ ସାଧାରଣ ଲୋକଙ୍କ ପ୍ରବେଶ ଅନୁମତି ବାରଣ କରାଯାଇଛି । ତେବେ ପାସ ଧାରୀ ବ୍ୟକ୍ତି ରାସ୍ତା ଦେଇ ପ୍ରବେଶ କରିପାରିବେ । ସେହିପରି ମଣ୍ଡପ ରାସ୍ତାରେ ସାଧା ପୋଷାକଧାରୀ ପୋଲିସ ମୁତୟନ କରାଯାଇଛି ।
୧୨୦ ବାଟାଲିୟନରୁ ରବୀନ୍ଦ୍ର ମଣ୍ଡପ ଏବଂ ସୂଚନା ଭବନରୁ ରବୀନ୍ଦ୍ର ମଣ୍ଡପ ରାସ୍ତା ବନ୍ଦ କରାଯାଇଛି । କେଶରୀ ହଲରୁ ଟ୍ରେଜରୀ ଅଫିସ ରାସ୍ତାଦେଇ ଆଇଜି ପାର୍କ ରାସ୍ତା ଦେଇ ଏଜି ଛକକୁ ଯାଇପାରିବେ । ଆତ୍ମହତ୍ୟା ଉଦ୍ୟମ କରିବା ପାଇଁ ଆସୁଥିବା ଲୋକ ଏଭଳି ପଦକ୍ଷେପ ନିଅନ୍ତୁ ନାହିଁ । ଆତ୍ମହତ୍ୟ କରିବା ପାଇଁ ଯିଏ ଉସକେଇବେ ତାଙ୍କ ଚିହ୍ନଟ କରି କାର୍ଯ୍ୟନୁଷ୍ଠାନ ନିଆଯିବ ବୋଲି ଡିସିପି କହିଛନ୍ତି |
