ସ୍ୱାଭାବିକ ହୋଇପାରୁନି ଗୃହ, ଅପରାହ୍ନ ୪ଟା ଯାଏଁ ମୁଲତବୀ

ଭୁବନେଶ୍ୱର: ବିରୋଧୀଙ୍କ ହଟ୍ଟଗୋଳ ପାଇଁ ଲଗାତର ତୃତୀୟ ଦିନରେ ବି ବିଧାନସଭାରେ ଅଚଳାବସ୍ଥା । ଆଜି ଦୁଇ ୨ ଥର ଗୃହ ମୁଲତବି । ବିଧାନସଭା ଶୀତ ଅଧିବେଶନର ତୃତୀୟ ଦିନ ଆରମ୍ଭରୁ ବିରୋଧୀ ହୋହଲ୍ଲା କରିଥିଲେ । ପ୍ରଥମେ ସାଢେ ୧୧ ଯାଏ ଗୃହକୁ ବାଚସ୍ପତି ମୁଲତବି ଘୋଷଣା କରିଥିଲେ ପରେ ପୁଣି ଗୃହ ଆରମ୍ଭ ହୋହଲ୍ଲା ହଟ୍ଟଗୋଳ ହୋଇ ଗୃହର ଶୃଙ୍ଖଳା ଭଙ୍ଗ ହୋଇଥିଲା । ଫଳରେ ବାଚସ୍ପତି ଅପରାହ୍ନ ୪ଟା ଯାଏ ଗୃହ ମୁଲତବି ଘୋଷଣା କରିଛନ୍ତି ।

ବିଧାନସଭାରେ ବିଜେପିର ଆଭିମୁଖ୍ୟକୁ ନେଇ କଟୁ ସମାଲୋଚନା କଲେ ସରକାରୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ। ବିଜେପି ଉତ୍ତରପ୍ରଦେଶ ଓ ସଂସଦରେ ଗଙ୍ଗାଜଳ ଓ ଗୋବର ପାଣି ପକାଇ ବିଶୁଦ୍ଧ କରୁ। ସେଠାରୁ ଗଙ୍ଗା ପାଖ ହେବ । ସେଠାରେ ବହୁ ହତ୍ୟାକାରୀ ଅଛନ୍ତି । ଏଠି ବିଜେପି କେବଳ ବାହାନାବାଜି କରୁଛି । ଏପର୍ଯ୍ୟନ୍ତ ଚାଷୀ ହତ୍ୟାକାରୀ କେନ୍ଦ୍ରମନ୍ତ୍ରୀଙ୍କ ବିରୋଧରେ କାହିଁକି ଏତଲା ଦିଆଯାଇନି ବୋଲି ପ୍ରମିଳା ପ୍ରଶ୍ନ କରିଛନ୍ତି।