ଆଜି ବି ସରଗରମ ରହିବ ଗୃହ, ବିରୋଧୀଙ୍କ ପକ୍ଷରୁ ଆସିପାରେ ମୁଲତବୀ ପ୍ରସ୍ତାବ

ଭୁବନେଶ୍ବର : ବିଧାନସଭା ଆଜି ବି ବେଶ ସରଗରମ ରହିପାରେ। ବିଧାନସଭାରେ ଶାସକ ଦଳ ଏକଛତ୍ରବାଦ ଶାସନ ଚଳାଇଥିବାରୁ ଏହାକୁ ବିରୋଧ କରିଛି ମୁଖ୍ୟ ବିରୋଧୀ ଦଳ ବିଜେଡି l ସେହିପରି କଂଗ୍ରେସର ୧୪ ଜଣ ବିଧାୟକଙ୍କୁ ନିଲମ୍ବନ କରିବା ପରେ ଶାସକ ଦଳକୁ ଟାର୍ଗେଟ କରିଛି ହାତ। କଂଗ୍ରେସର ବିଧାୟକମାନେ ବିଧାନସଭା ପରିସର ଭିତରକୁ ଯିବାକୁ ଉଦ୍ୟମ କରିପାରନ୍ତି l ବିନା ବିରୋଧୀ ଦଳରେ ଶାସକ ଦଳ ଗୃହ ଚଳାଉଛି l ଏହା ଗଣତନ୍ତ୍ରର ହତ୍ୟା ବୋଲି ବିରୋଧୀ ଅଭିଯୋଗ କରି ବାଚସ୍ପତିଙ୍କୁ ଘେରିଛନ୍ତି l ବାଚସ୍ପତିଙ୍କ ବିବୃତି ପରେ ବି ମୁଖ୍ୟ ବିରୋଧୀ ବିଜେଡି ଅଭିଯୋଗ କରିଛି ଯେ ବାଚସ୍ପତିଙ୍କ ବିବୃତି ଏକ ପାଖିଆ I ଗୃହକୁ ଏକପାଖିଆ ଭାବେ ଚଳାଉଛନ୍ତି l ସେପଟେ ଆଜି ଜଳ ସମ୍ପଦ, ରାଜସ୍ବ ବିପର୍ଯ୍ୟୟ ପରିଚାଳନା , ଇସ୍ପାତ ଖଣି, ଯୋଜନା ଓ ସଂଯୋଜନ, ବାଣିଜ୍ୟ , ସୂଚନା ଓ ଲୋକ ସମ୍ପର୍କ ଏବଂ ପରିବହନ ବିଭାଗର ପ୍ରଶ୍ନ କାଳ ରହିଛି । ଶୂନ୍ୟକାଳରେ ଆଇନ ଶୃଙ୍ଖଳା, ବିଧାନସଭାରେ ଶାସକ ଦଳର ଏକଛତ୍ରବାଦ ନୀତି, sc/St ସରକ୍ଷଣ ବ୍ୟବସ୍ଥା ଭଳି ପ୍ରସଙ୍ଗକୁ ଗୃହରେ ଉଠାଇବ ବିଜେଡି  । ଅନ୍ୟପଟେ ବିରୋଧୀ ପକ୍ଷରୁ ମୁଲତବି ପ୍ରସ୍ତାବ ଦିଆଯିବ ବୋଲି ଜଣାପଡ଼ିଛି।