ଆଜି ବେଶ ସରଗରମ ରହିବ ବିଧାନସଭା ଅଧିବେଶନ

ଭୁବନେଶ୍ୱର : ଆଜି ବିଧାନସଭା ଅଧିବେଶନ ବେଶ ସରଗରମ ରହିବ । ପୋଲାଭରମ, ମହାନଦୀ, ଆଳୁ ସଂକଟ, ଆଇନ ଶୃଙ୍ଖଳା ସହ ବହୁ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଗୃହରେ ଉଠିବ। ସେହିପରି ବିଜେଡି ପକ୍ଷରୁ ମୁଲତବି ପ୍ରସ୍ତାବ ଦିଆଯିବ । ପୋଲାଭରମରେ ଓଡ଼ିଶାକୁ ଅଣଦେଖା କରି ଆନ୍ଧ୍ରକୁ କେନ୍ଦ୍ର ସରକାର ଅଧିକ ଅନୁକମ୍ପା ଦେଖାଉଥିବାରୁ ଦୁଇ ବିରୋଧୀ ବିଜେଡି ଏବଂ କଂଗ୍ରେସ ଗୃହରେ ପ୍ରସଙ୍ଗ ଉଠାଇ ଶାସକ ଦଳକୁ ଘେରିବେ । ତେବେ ପ୍ରଶ୍ନକାଳ ସ୍ବାଭାବିକ ଭାବେ ଚାଲିବକି ନାହିଁ ପ୍ରଶ୍ନ ସୃଷ୍ଟି ହୋଇଛି । ଆଜି ବିଭିନ୍ନ ବିଭାଗର ଗୁରୁତ୍ବପୂର୍ଣ୍ଣ ପ୍ରଶ୍ନକାଳ ରହିଛି ।