ଓଡିଶା ଆର୍ଥ୍ରାଇଟିସ ଓ ରୁମାଟୋଲୋଜି ସେଣ୍ଟର” ପକ୍ଷରୁ ବିଶ୍ବ ଆଣ୍ଠୁ ଗଣ୍ଠିବାତ ଦିବସ ପାଳିତ

ନନ୍ଦିଘୋଷ ବ୍ୟୁରୋ : ଆଜି ହେଉଛି ବିଶ୍ବ ଆଣ୍ଠୁ ଗଣ୍ଠିବାତ ଦିବସ । ଓଡିଶା ଆର୍ଥ୍ରାଇଟିସ ଓ ରୁମାଟୋଲୋଜି ସେଣ୍ଟର” ଗଣ୍ଠିବାତ ଓ ରୁମାଟୋଲୋଜି ପକ୍ଷରୁ ଏହି ଦିବସ ପାଳନ ହୋଇଛି । ଏହି ରୋଗ ଛୋଟପିଲା ଠାରୁ ବୃଦ୍ଧାବସ୍ଥା ପଯ୍ୟନ୍ତ ଯେ କୌଣସି ବୟସରେ ଦେଖାଯାଇପାରେ । ଠିକ୍‌ ସମୟରେ ଚିକିତ୍ସା ନକଲେ ଅଧକ ଯନ୍ତ୍ରଣାଦାୟକ ହୋଇଥାଏ । ଏପରିକି ବିକଳାଙ୍ଗତା ବା ଅକର୍ମଣ୍ୟତା ସୃଷ୍ଟିକରେ । ଗଣ୍ଠିବାତ ରୋଗ ଓ ଏହାର ଚିକିତ୍ସା ସମ୍ବନ୍ଧୀୟ ସଚେତନତା ସୃଷ୍ଟି କରିବା ପାଇଁ ସମଗ୍ର ବିଶ୍ଵରେ ପ୍ରତ୍ୟେକ ବର୍ଷର ଅକ୍ଟୋବର ୧୨ ତାରିଖକୁ ବିଶ୍ଵ ଗଣ୍ଠି ବାତ ଦିବସ ଭାବରେ ପାଳନ କରାଯାଏ | ଆମ ରାଜ୍ୟରେ ଗଣ୍ଠିବାତ ରୋଗ ଚିକିତ୍ସା କ୍ଷେତ୍ଵରେ ସଚେତନତାର ଅଭାବ ହିଁ ମୁଖ୍ୟ କାରଣ । ଲୋକମାନଙ୍କ ମଧ୍ଯରେ ଉକ୍ତ ରୋଗ ବିଷୟରେ ସଚେତନତା ସୃଷ୍ଟି କରିବା ପାଇଁ “ ଏ ଓ୍ବାକ ଫୋର୍ ଆର୍ଥରାଇଟିସ୍’  ଏକ ସଚେତନତା ରାଲି   କରାଯାଇଛି ।

ରକ୍ତ ପରୀକ୍ଷା ଓ X-Ray କରାଇ କମ ସମୟରେ ଓ କମ ଖର୍ଚ୍ଚରେ ଦୁଃସାଧ୍ଯ ଗଣ୍ଠିବାତ ରୋଗର ଚିହ୍ନଟ ଓ ସଫଳ ଚିକିତ୍ସା ମଧ୍ଯ ଉପଲବ୍‌ଧ ହୋଇପାରୁଛି । ଗରିବ ରୋଗୀମାନଙ୍କୁ ସୁବିଧାରେ ଚିକିତ୍ସା ଯୋଗାଇଦେବା ପାଇଁ“ଓଡିଶା ଆର୍ଥରାଇଟିସ ଓ ରୁମାଟୋଲୋଜି ଫାଉଣ୍ଡେସନ୍‌ ଟ୍ରଷ୍ଟ”  ତରଫରୁ ପ୍ରତି ମାସର ପ୍ରଥମ “ଗୁରୁବାର” ଦିନ “ଏକ ଟଙ୍କା ଦେୟ- ଗଣ୍ଠି ବାତ ଚିକିତ୍ସା କରାଯାଉଛି ।