ସିଆଇଏସଏଫ ଯବାନଙ୍କୁ ଗୁଳିମାଡ଼ ଘଟଣା: ଗୁଳିମାରିଥିବା ଯବାନ ଅକ୍ଷୟଙ୍କ ଘର କାମାକ୍ଷାନଗରରେ

କୋଲକାତା: କୋଲକାତାରେ ସିଆଏସଏଫ ଯବାନଙ୍କ ଗୁଳିମାଡ଼ ଘଟଣା । ଗୁଳିମାଡ଼ କରିଥିବା ଅକ୍ଷୟ ମିଶ୍ରଙ୍କ ଘର ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ମାଛିଆ ଗାଁରେ  । ଅନ୍ୟପକ୍ଷରେ ସିଆଇଏସଏଫ  ଯବାନଙ୍କ ସ୍ତ୍ରୀ ଓ ଦୁଇ ପୁଅ ଢେଙ୍କାନାଳରେ ଭଡ଼ା ଘରେ ରହୁଛନ୍ତି । ଘର ଭିତପଟୁ ସେମାନେ ବନ୍ଦ କରି ରଖିଛନ୍ତି । ଗଣମାଧ୍ୟମ ସାମ୍ନାରେ ପ୍ରତିକ୍ରିୟା ଦେଉନାହାନ୍ତି ପରିବାର ଓ ଆତ୍ମୀୟସ୍ୱଜନ । ବର୍ତ୍ତମାନ ପୋଲିସ ଘଟଣାର ତଦନ୍ତ କରୁଛି ।

ପ୍ରକୃତରେ କଣ ପାଇଁ ଏପରି ଚରମ କାର୍ଯ୍ୟ କରିଛନ୍ତି ଅକ୍ଷୟ ମିଶ୍ର । ସୂଚନାଯୋଗ୍ୟ ଗତକାଲି,  ବାପାଙ୍କ ମୃତ୍ୟୁ ପରେ ଛୁଟି ନମିଳିବାରୁ ଯବାନ ପୁଅଙ୍କ ଉନ୍ମୁତ କାଣ୍ଡ ଖବର ସାମ୍ନାକୁ ଆସିଥିଲା । ରାଗରେ ଗୁଳି ବର୍ଷା କରିଥିଲେ ଯବାନ । ଏଥିରେ ଜଣେ ଯବାନଙ୍କ ମୃତ୍ୟୁ ହୋଇଥିଲା । କୋଲକାତା ସ୍ଥିତ ପାର୍ଟ ଷ୍ଟ୍ରିଟରେ ଥିବା ଇଣ୍ଡିଆନ ମ୍ୟୁଜିୟମ ଭିତରେ ଘଟିଥିଲା ଏହି ଅଭାବନୀୟ ଘଟଣା । ନିୟୋଜିତ ଥିବା ଜଣେ ସିଆଇଏସଏଫ ଯବାନ ଆଉଜଣେ ସିଆଇଏସଏଫ ଯବାନଙ୍କ ଉପରକୁ ୧୫ ରାଉଣ୍ଡ ଗୁଳି ମାରିଥିଲେ । ତେବେ ଗୁଳି କରିଥିବା ଯବାନ ଓ ମୃତ୍ୟୁବରଣ କରିଥିବା ଯବାନଙ୍କ ଘର ଓଡିଶାରେ ବୋଲି କାଲି ସୂଚନା ମିଳିଥିଲା ।

ମୃତକ ଯବାନ ହେଲେ ଓଡିଶାର ଅମିତ ଷଡଙ୍ଗୀ । ସେହିଭଳି ଗୁଳିମାଡ଼ କରିଥିବା ଯବାନ ହେଉଛନ୍ତି ଅକ୍ଷୟ କୁମାର ମିଶ୍ର । ଉଭୟ ମ୍ୟୁଜିୟମ ଭିତରେ ନିୟୋଜିତ ଥିଲେ । ଅନ୍ୟ ପୋଲିସ କର୍ମଚାରୀ ମଧ୍ୟ ଏଥିରେ ଆହତ ହୋଇଛନ୍ତି । ଆହତଙ୍କୁ ମେଡିକାଲରେ ଚିକିତ୍ସା ଚାଲିଛି । ପୋଲିସ ଅଧିକାରୀ ଓ ବରିଷ୍ଠ ସିଆଇଏସଏଫ ଅଧିକାରୀ ଏହି ଘଟଣା ଜାଣିବା ପରେ ଘଟଣାସ୍ଥଳରେ ପହଞ୍ଚିଥିଲେ ।  ବୁଲେଟ ପ୍ରୁଫ ଜ୍ୟାକେଟ ପିନ୍ଧି ଅଧିକାରୀ ଭିତରକୁ ଯାଇ ଗୁଳି ଚାଳନା କରିଥିବା ଯବାନଙ୍କୁ କାବୁ କରିଥିଲେ ।