ଶାନ୍ତି ସ୍ୱରୂପ ଭଟ୍ଟନଗର ସମ୍ମାନ-୨୦୨୦ରେ ସମ୍ମାନିତ ହେଲେ ଓଡ଼ିଆ ଝିଅ ଜ୍ୟୋତିର୍ମୟୀ

ଜଗତସିଂହପୁର: ସାମ୍ମାନିତ ହେଲେ ଓଡ଼ିଆ ଝିଅ । ବହୁଦିନର ନିଶ୍ୱାର୍ଥ ପରିଶ୍ରମରେ ନିଜକୁ ପ୍ରମାଣିତ କରିପାରିଛନ୍ତି ଓଡ଼ିଆ ଝିଅ ଜ୍ୟୋତିର୍ମୟୀ । ଶାନ୍ତି ସ୍ୱରୂପ ଭଟ୍ଟନଗର ସମ୍ମାନ-୨୦୨୦ ହାତେଇଲେ ଓଡ଼ିଆ ଝିଅ ଡକ୍ଟର ଜ୍ୟୋତିର୍ମୟୀ ଦାସ  ।  ବିଜ୍ଞାନ ଓ ପ୍ରଯୁକ୍ତିବିଦ୍ୟା କ୍ଷେତ୍ରରେ ଭଲ ପ୍ରଦର୍ଶନ କରି ସେ ଏହି ସମ୍ମାନ ପାଇପାରିଛନ୍ତି । ନିଜର କଠୋର ପରିଶ୍ରମ ବଳରେ ଦେଶରେ ପରିଚିତ ହୋଇପାରିଛନ୍ତି ଜ୍ୟୋତିର୍ମୟୀ । ଝିଅ ସର୍ବୋଚ୍ଚ ବୈଜ୍ଞାନିକ ଭାବେ ଶାନ୍ତି ସ୍ୱରୂପ ଭଟ୍ଟନଗର ସମ୍ମାନ-୨୦୨୦ ପାଇବା ପରେ ନିଜର ଖୁସି ବ୍ୟକ୍ତ କରିଛନ୍ତି ଜ୍ୟୋତିର୍ମୟୀ ବାପା ମାଆ ।

ଜଗତସିଂହପୁର ମାଣପୁର ପଳଦା ଗାଁର ଅବସରପ୍ରାପ୍ତ ଶିକ୍ଷକ ବସନ୍ତ ଦାସ ଓ ମା’ ଅବସରପ୍ରାପ୍ତ ଶିକ୍ଷୟିତ୍ରୀ ପୁଷ୍ପା ମିଶ୍ରଙ୍କ କନ୍ୟା ଜ୍ୟୋତିର୍ମୟୀ ଏହି ସମ୍ମାନ ପାଇବା ପରେ ଖୁସି ପ୍ରକାଶ କରିଛନ୍ତି  । ଓଡ଼ିଶାର ଏକ ମାତ୍ର ଝିଅ ଭାବେ ଜ୍ୟୋତିର୍ମୟୀ ଏହି ସଫଳତା ପାଇ ଜଗତସିଂହପୁର ଜିଲ୍ଲା ସହ ସାରା ଓଡିଶାକୁ ଗର୍ବିତ କରିଛନ୍ତି  । ୧୯୯୫ ମସିହାରେ ଜଗତସିଂହପୁର ଏସ୍‌ଭିଏମ୍‌ କଲେଜରେ ରାସାୟନିକ ବିଜ୍ଞାନ ପାଠ୍ୟକ୍ରମରେ ସଫଳତା ହାସଲ କରିଥିଲେ ଜ୍ୟୋତିର୍ମୟ  ।