କେବିସିର ହଟ୍ ସିଟରେ ସାଂସଦ ତଥା ସମାଜସେବୀ ଅଚ୍ୟୁତ ସାମନ୍ତ

ଭୁବନେଶ୍ୱର : ସୋନି ଟିଭିର ଲୋକପ୍ରିୟ ସୋ, କୌନ୍ ବନେଗା କରୋଡପତିରେ ଓଡ଼ିଆ ସାଂସଦ । କିଟ୍ ଓ କିସର ପ୍ରତିଷ୍ଠାତା ତଥା ବିଶିଷ୍ଟ ସମାଜସେବୀ ଡ. ଅଚ୍ୟୁତ ସାମନ୍ତ କେବିସିର କର୍ମବୀର ଏପିସୋଡରେ ସାମିଲ ହୋଇଛନ୍ତି । ଏ ନେଇ ଡ. ସାମନ୍ତ ତାଙ୍କ ଟ୍ୱିଟର ପେଜରେ ସୂଚନା ପ୍ରଦାନ କରିଛନ୍ତି ।

ଆସନ୍ତା ୧୫ ତାରିଖ ରାତି ୯ଟାରେ ଏହା ସୋନି ଟିଭିରେ ପ୍ରସାରିତ ହେବ ।  ବଲିଉଡ୍ ଅଭିନେତ୍ରୀ ତାପସୀ ପନ୍ନୋଙ୍କ ସହ ନଜରକୁ ଆସିବେ ଡ. ସାମନ୍ତ । ଏଥିରେ ସେ କେବିସି ହୋଷ୍ଟ ଅମିତାଭ ବଚ୍ଚନଙ୍କ ପ୍ରଶ୍ନର ଉତ୍ତର ଦେବେ । ତାଙ୍କ ସଂଘର୍ଷ ଓ ସଫଳତାର କାହାଣୀ କହିବେ ଡ.ସାମନ୍ତ ।

ଭୁବନେଶ୍ୱରରେ କିଟ୍ ଓ କିସ୍ ବିଶ୍ୱବିଦ୍ୟାଳୟ ପ୍ରତିଷ୍ଠାକରି ସାରା ଦେଶରେ ଗୌରବ ଅର୍ଜନ କରିଛନ୍ତି ଡ. ଅଚ୍ୟୁତ ସାମନ୍ତ । ୨୫ ହଜାରରୁ ଅଧିକ ଆସିବାସୀ ପିଲାଙ୍କୁ ଗୋଟିଏ ଛାତ ତଳେ ପଢ଼ାଇ ଅନେକ ରେକର୍ଡର ଅଧିକାରୀ ହୋଇଛି କିସ୍ । ପୂର୍ବରୁ ଓଡ଼ିଆ ଝିଅ ଦୂତି ଚାନ୍ଦ କେବିସିରେ ଅଂଶଗ୍ରହଣ କରିଥିଲେ । ଏବେ ଲୋକସଭାରେ ବିଜେଡିରୁ କନ୍ଧମାଳ ସାଂସଦ ଅଛନ୍ତି ଡ. ଅଚ୍ୟୁତ ସାମନ୍ତ ।

')}