ଓଡ଼ିଆ ଝିଅଙ୍କ ନିର୍ଦ୍ଦେଶନାରେ ବଲିଉଡ଼ ଫିଲ୍ମ

ବଲିଉଡରେ ପାଦ ଥାପିଛନ୍ତ ଆଉ ଜଣେ ଓଡ଼ିଆ । ନିଜର ଦକ୍ଷତା ବଳରେ ଜଣେ ଓଡ଼ିଆ ଝିଅ ପାଲଟିଛନ୍ତି ବଲିଉଡ଼ ଫିଲ୍ମ ନିର୍ଦ୍ଦେଶକ । ସେ ହେଉଛନ୍ତି କେନ୍ଦ୍ରାପଡ଼ା ଜିଲ୍ଲାର ପଟ୍ଟାମୁଣ୍ଡାଇ ଅଞ୍ଚଳର ଦେବମିତ୍ରା ବିଶ୍ୱାଳ । ନିଜର କଠୋର ପରିଶ୍ରମ ବଳରେ ୪୦ବର୍ଷ ବୟସରେ ତାଙ୍କୁ ମିଳିଛି ଏହି ସଫଳତା । ତାଙ୍କୁ ବଲିଉଡ଼ ଫିଲ୍ମ ‘ମୋତିଚୁର ଚକମାଚୁର’ ଫିଲ୍ମରେ ନିର୍ଦ୍ଦେଶନା ଦେବାର ସୁଯୋଗ ମିଳିଛି । ତେବେ ଫିଲ୍ମର ଟ୍ରେଲର ରିଲିଜ ହୋଇସାରିଛି ଆସନ୍ତା ୧୫ରେ ଫିଲ୍ମଟି ପରଦାକୁ ଆସିବ । ଫିଲ୍ମର ଟ୍ରେଲର ହିଁ ତାଙ୍କ ଦକ୍ଷତାର ପରିପ୍ରକାଶ କରିଛି  । ଟ୍ରେଲରଟିକୁ ଖୁବ ପସନ୍ଦ କରିଛନ୍ତି ଦର୍ଶକ ।

ଦୀର୍ଘ ୧୫ ବର୍ଷର କ୍ୟାରିୟରରେ ସେ ଟେଲିଭିଜନ ନିର୍ଦ୍ଦେଶକ ଭାବେ ବାଲାଜୀ ଟେଲି ଫିଲିମ୍‌ରେ କାମ କରିଛନ୍ତି । ଏହାସହ କ୍ରିଏଟିଭ ଡାଇରେକ୍ଟର ଭାବେ ସେ ଟେଲିଭିଜନ ଦୁନିଆରେ ଖୁବ ଜଣାଶୁଣା । ତାଙ୍କ ଦ୍ୱାରା ‘ରାଧା କି ବେଟିଆ, କୁଛ କର୍ ଦିଖାଏଗି‘ ଏବଂ ‘ଲାପତାଗଞ୍ଜ’ ଭଳି କେତେଗୁଡ଼ିଏ ଧାରାବାହିକରେ ନିର୍ଦ୍ଦେଶନା ଦିଆଯାଇଛି । କିନ୍ତୁ ବଲିଉଡ଼ର ବଡ଼ ପରଦାର ସ୍ୱପ୍ନ ତାଙ୍କ ଏହି ଫିଲ୍ମରେ ହିଁ ସଫଳ ହୋଇଛି । ')}