ତୁର୍କୀରେ ଭାରତର ରାଷ୍ଟ୍ରଦୂତ ଭାବେ ଓଡ଼ିଆ ପୁଅ ସଞ୍ଜୟଙ୍କୁ ନିଯୁକ୍ତି

ନୂଆଦିଲ୍ଲୀ: ଓଡ଼ିଆ ପୁଅ ସଞ୍ଜୟ କୁମାର ପଣ୍ଡାଙ୍କୁ ବିଦେଶରେ ଗୁରୁଦାୟିତ୍ୱ । ସଞ୍ଜୟ କୁମାର ପଣ୍ଡାଙ୍କୁ ଭାରତର ରାଷ୍ଟ୍ରଦୂତ ଭାବେ ତୁର୍କୀରେ ନିଯୁକ୍ତି ମିଳିଛି । ନିଯୁକ୍ତି ନେଇ ଭାରତର ବୈଦେଶକି ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ଓଡ଼ିଆ ପୁଅ ସଞ୍ଜୟଙ୍କ ଘର କଟକରେ ।

୧୯୯୧ ବ୍ୟାଚର ଭାରତୀୟ ବୈଦେଶିକ ସେବା ଅଧିକାରୀ(IFS) ସଞ୍ଜୟ କୁମାର ପଣ୍ଡା । ବର୍ତ୍ତମାନ ସାନ୍ ଫ୍ରାନ୍ସିସ୍କୋରେ ଭାରତର ବାଣିଜ୍ୟିକ ଅଧିକାରୀ ଅଛନ୍ତି । ସେ ଖୁବଶୀଘ୍ର ତୁର୍କୀରେ କାର୍ଯ୍ୟଭାର ଗ୍ରହଣ କରିବେ । ତେବେ, ତୁର୍କୀ ସହ ଭାରତର ସମ୍ପର୍କ ସେତେଟା ସୁଦୃଢ଼ ନଥିବା ବେଳେ ତାଙ୍କୁ ନିଯୁକ୍ତି ମିଳିଛି ।ଗତବର୍ଷ ତୁର୍କୀ ଭାରତର ଆଭ୍ୟନ୍ତରୀଣ ମାମଲାରେ ପ୍ରତିକ୍ରିୟା ରଖିଥିଲା । ଯାହାପରେ ତୁର୍କୀକୁ କଡ଼ା ଭାଷାରେ ସମାଲୋଚନା କରିଥିଲା ନୂଆଦିଲ୍ଲୀ । ଏପରିକି ଆତଙ୍କବାଦୀକୁ ପ୍ରୋତ୍ସାହନ ଦେବା ବନ୍ଦ କରିବାକୁ ଭାରତ ଚେତାଇ ଦେଇଥିଲା ।

Leave a Reply

Your email address will not be published.