ଦମ ଦେଖାଉଛି ‘ଦମନ’: ଏବେ ସାରା ଭାରତରେ ଜଳିବ ‘ଦମନ’ ନିଆଁ

ଭୁବନେଶ୍ୱର: ଦମ ଦେଖାଉଛି ‘ଦମନ। ଓଡ଼ିଶା ମାର୍କେଟରେ ନିଆଁ ଲଗାଇଛି ଏହି ଓଡିଆ ସିନେମା। ଦଶନ୍ଧି ପରେ ହଲରେ ପଡ଼ିଛି ମନଲାଖି ଚଳଚିତ୍ର। ନା  ହିରୋଇନ ଅଛି ନା ଫିଲ୍ମରେ ଧୂଳି ଉଡ଼ୁଛି, ତଥାପି ମୋଳିକ କାହାଣୀରେ ମସଗୁଲ ଦର୍ଶକ। ଆଉ ଏହି ମୁଭିର କ୍ରେଜ କେବଳ ଓଡ଼ିଶାରେ ସୀମିତ ନାହିଁ। ଓଡ଼ିଶାରେ ଲାଗିଥିବା ଦମନ ନିଆଁ ଏବେ ସାରା ଭାରତରେ ବ୍ୟାପିବାକୁ ଯାଉଛି। ଓଡ଼ିଆରେ ଦମଦାର ସଫଳତା ପରେ ହିନ୍ଦୀରେ ରିଲିଜ୍ ହେବାକୁ ଯାଉଛି ‘ଦମନ’।

ଏଥିପାଇଁ ମୁମ୍ୱାଇରେ ନିଜ ଟିମ ସହ ପହଞ୍ଚିଛନ୍ତି ଅଭିନେତା ବାବୁଶାନ। ଆରମ୍ଭ କରିଦେଇଛନ୍ତି ହିନ୍ଦୀ ଡବିଂ। ଖୁବଶୀଘ୍ର ଭାରତର ୫୦୦ଶହ ହଲରେ ରିଲିଜ ହେବ ଦମନ। ମାତ୍ର ୨ ସପ୍ତାହରେ ଫିଲ୍ମଟି ୨ କୋଟି ଆୟ କରି ବ୍ଲକବଷ୍ଟର ଆଡ଼କୁ ମୁହାଁଇଲାଣି। ସୋସିଆଲ ମିଡିଆରେ ବି ‘ଦମନ’କୁ ନେଇ ବେଶ୍ ଚର୍ଚ୍ଚା ଚାଲିଛି। ଯାହାକୁ ଦେଖ ତା ମୁହଁରେ ‘ଦମନ’ର ଚର୍ଚ୍ଚା। ଏମିତିକି ବିଦେଶରେ ମଧ୍ଯ ଫିଲ୍ମକୁ ନେଇ ଚର୍ଚ୍ଚ ହେଲାଣି । ପାକିସ୍ତାନର କିଛି ସନେ ସମୀକ୍ଷକ ଏହି ଫିଲ୍ମକୁ ନେଇ ରିଭ୍ୟୁ ଭିଡିଓ ମଧ୍ଯ ବନେଇଛନ୍ତି। ଫିଲ୍ମଟି ଆଇଏମଡିବିରେଟିଂରେ ୯.୭ ପାଇ ବ୍ଲକବଷ୍ଟର ଫିଲ୍ମ ‘RRR’ଓ ‘KGF’କୁ ବି ପଛରେ ପକାଇଦେଇଛି।

ତେବେ ଯଦି ଏହି ଫିଲ୍ମଟି ହିନ୍ଦୀରେ ରିଲିଜ ହେଲା ତେବେ ଏହା ୩ଶହ କୋଟି କ୍ଲବରେ ସାମିଲ ହେବ ବୋଲି କୁହାଯାଉଛି। ନିକଟରେ ଜଣାଶୁଣା ସିନେ ସମୀକ୍ଷକ କେ ଆର କେ ଏହି ଫିଲ୍ମକୁ ନେଇ ଏକ ଭିଡିଓ ଶେଆର କରିଛନ୍ତି। ଯେଉଁଥିରେ ସେ ଏହି ଫିଲ୍ମକୁ ନେଇ ସମୀକ୍ଷା କରିଛନ୍ତି। ସେ କହିଛନ୍ତି ଯେ ଏହି ଫିଲ୍ମ ବକ୍ସ ଅଫିସରେ ଏକ ବଡ଼ ଆଟାକ୍। ଆଉ ଯେଉଁ ଦିନ ଏହି ଫିଲ୍ମ ହିନ୍ଦି ଭାଷାରେ ପରଦାରେ ଲାଗିବ ଅତି କମରେ ୫ ସପ୍ତାହ ପର୍ଯ୍ୟନ୍ତ ଧମାଲ କରିବ । ଫିଲ୍ମଟିକୁ ସେ ୪.୫ ଷ୍ଟାର ରେଟିଂ ଦବା ସହ ଏହା ୩୦୦ କୋଟି ଆୟ କରିବ ବୋଲି କହିଛନ୍ତି।

ତେବେ ଯଦି ଫିଲ୍ମ ବିଷୟରେ କହିବା ତେବେ ନିଛକ ଓଡ଼ିଆ କାହାଣୀ ଏବଂ ସତ୍ୟ ଘଟଣା ଉପରେ ଆଧାରିତ ଏହି ଫିଲ୍ମ ଓଡ଼ିଶାର କୋଟି କୋଟି ଦର୍ଶକଙ୍କ ମନକୁ ଛୁଇଁଛି  । ଜଣେ ଡାକ୍ତର, ଜଣେ ଫାର୍ମାସିଷ୍ଟ ଓ ଆଉଜଣେ ସେବିକା। ବାସ କେବଳ ଦୁଇ ତିନି ଜଣ କ୍ୟାରେକ୍ଟର ଲୋକଙ୍କୁ କେମିତି ବାନ୍ଧି ରଖିଛନ୍ତି ତାହା ସମସ୍ତଙ୍କୁ ଚକିତ କରୁଛି। ବିଶେଷ କରି ବାବୁସାନ ମହାନ୍ତିଙ୍କ ଚମତ୍କାର ଅଭିନୟ ଦର୍ଶକଙ୍କୁ ଯୋସ ଭରିଛି ।  ‘ଦମନ’ର ଏହି ସଫଳତା ଦିଗହରା ଓଲିଉଡକୁ ଏକ ନୂଆ ଦିଗ ଦେଖାଇଛି। ଏମିତିକି ଓଲିଉଡର ଅନେକ ପ୍ରଯୋଜକ ଓ ନିର୍ଦ୍ଦେଶକଙ୍କୁ ନିଛକ ଓଡ଼ିଆ କାହାଣୀ ଉପରେ ସିନେମା ତିଆରି କରିବାକୁ ପ୍ରେରଣା ଦେଇଛି। ଆଉ ଦର୍ଶକ କହୁଛନ୍ତି ଫେରିଛି ଓଡିଆ ସିନେମାର ସୁବର୍ଣ୍ଣ ଯୁଗ ।