ସୁସ୍ଥ ଓଡ଼ିଶା ପାଇଁ ୯ ସହରରେ ‘ସକାଳ’ ପକ୍ଷରୁ ମାରାଥନ

ଭୁବନେଶ୍ୱର: ଘରେ ଘରେ ପରିଚିତ ଓଡ଼ିଆ ଦୈନିକ ଖବରକାଗଜ ‘ସକାଳ’ର ପ୍ରଥମ ସ୍ୱନକ୍ଷତ୍ର ଅବସରରେ ଆୟୋଜିତ ହେବ ମାରାଥନ୍ । ଓଡ଼ିଆ ଦୈନିକ ‘ସକାଳ’ ଓ ‘ନନ୍ଦିଘୋଷ ଟିଭି’ ପକ୍ଷରୁ ଡିସେମ୍ବର ୧ ତାରିଖ ବିଶ୍ୱ ଏଡସ୍ ଦିବସ ଅବସରରେ ମାରାଥନ୍ ଆୟୋଜନ କରାଯିବ । ରାଜ୍ୟର ୯ଟି ସହରରେ ସୁସ୍ଥ ଓଡ଼ିଶା ଗଠନ ପାଇଁ ଦୌଡ଼ିବେ ଜନତା । ଭୁବନେଶ୍ୱର, କଟକ, ପୁରୀ, ବ୍ରହ୍ମପୁର, ଜୟପୁର, ସମ୍ବଲପୁର, ରାଉରକେଲା, ବାଲେଶ୍ୱର ଓ ଅନୁଗୁଳରେ ଏକକାଳୀନ ମାରାଥନ୍ ଆୟୋଜିତ ହେବ । ଡିସେମ୍ବର ୧ ତାରିଖ ସକାଳ ୬ଟା ୩୦ରେ ମାରଥନ୍ ହେବ ।