ଅବସର ନେଲେ ଓଡ଼ିଆ କ୍ରିକେଟର ପ୍ରଜ୍ଞାନ ଓଝା

କ୍ରିକେଟର ସମସ୍ତ ଫର୍ମାଟରୁ ପ୍ରଜ୍ଞାନ ଅବସର ନେଇଛନ୍ତି । ଟ୍ୱିଟ କରି ଏ ସୂଚନା ଦେଇଛନ୍ତି ପ୍ରଜ୍ଞାନ । ସେ କହିଛନ୍ତି ଭାରତୀୟ ଦଳରେ ଖେଳିବା ତାଙ୍କ ପିଲା ଦିନର ସ୍ୱପ୍ନ ଥିଲା । ଭୁବନେଶ୍ୱରରେ ଜନ୍ମିତ ପ୍ରଜ୍ଞାନ ୨୪ଟି ଟେଷ୍ଟ ମ୍ୟାଚ, ୧୮ଟି ଦିନିକିଆ ଏବଂ ୬ଟି ଟି-ଟ୍ୱେଣ୍ଟି ମ୍ୟାଚ୍ ଖେଳିଛନ୍ତି ।

ସେହିପରି ଟେଷ୍ଟରେ ୧୧୩, ଦିନିକିଆରେ ୨୧ ଏବଂ ଟି-ଟ୍ୱେଣ୍ଟିରେ ୧୦ ୱିକେଟ ନିଜ ନାଆଁରେ କରିଛନ୍ତି ପ୍ରଜ୍ଞାନ । ୨୦୧୩ରେ ୱେଷ୍ଟେଇଣ୍ଡିଜ୍ ବିପକ୍ଷରେ ସେ ଶେଷ ମ୍ୟାଚ୍ ଖେଳିଥିଲେ । ହାଇଦ୍ରାବାଦ କ୍ରିକେଟ ଆସୋସିଏସନ ପାଇଁ ୧୪ ବର୍ଷ ଖେଳିଥିଲେ ପ୍ରଜ୍ଞାନ ।