ରାଜୁ ମିଶ୍ରଙ୍କର ପରଲୋକ; ନିର୍ଦ୍ଦେଶନାର ଏକ ନୂଆ ଧାରା ଥିଲେ
ଓଡିଆ ଚଳଚ୍ଚିତ୍ର ନିର୍ଦ୍ଦେଶକ ରାଜୁ ମିଶ୍ରଙ୍କର ପରଲୋକ ଘଟିଛି । ହୃତଘାତରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା । ଅନେକ ସୁପରହିଟ୍ ଓଡିଆ ଚଳଚ୍ଚିତ୍ରରେ ନିର୍ଦ୍ଦେଶକ ଭାବେ ଦାୟିତ୍ୱ ନିର୍ବାହ କରି ସେ ବେଶ ସଫଳତା ହାତେଇଛନ୍ତି ।ଜଟଣୀସ୍ଥିତ ବାସଭବନରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି । ଅନେକ ସୁପର୍ହିଟ୍ ଓଡ଼ିଆ ଫିଲ୍ମରେ ସେ ନିର୍ଦ୍ଦେଶନା ଦେଇଥିଲେ । ଏକାଧାରାରେ ରାଜୁ ମିଶ୍ର ଥିଲେ ସିନେମାଟୋଗ୍ରାଫର, ସଙ୍ଗୀତଜ୍ଞ ଓ ଚଳଚ୍ଚିତ୍ର ନିର୍ଦ୍ଦେଶକ ଥିଲେ । ଜୟଦେବ ପୁରସ୍କାରରେ ସମ୍ମାନିତ ହୋଇଥିଲେ ରାଜୁ ମିଶ୍ର । ୪୪ତମ ଆନ୍ତର୍ଜାତିକ ଚଳଚ୍ଚିତ୍ର ଉତ୍ସବରେ ଜୁରୀ ଥିଲେ । ରାଜୁ ମିଶ୍ରଙ୍କ ପ୍ରଥମ ନିର୍ଦ୍ଦେଶିତ ଚଳଚ୍ଚିତ୍ର ଥିଲା ଜୋର ଯାର ମୁଲକ ତାର । ‘ଉଲ୍କା’ ଥିଲା ତାଙ୍କ ପ୍ରଥମ ଚିତ୍ର ଉତ୍ତୋଳନ ଓ ସଙ୍ଗୀତ ଦେଇଥିବା ଫିଲ୍ମ ।
ରାଜୁ ମିଶ୍ରଙ୍କ ପ୍ରଥମ ଅଭିନୀତ ଫିଲ୍ମ ଥିଲା କବି ସମ୍ରାଟ ଉପେନ୍ଦ୍ର ଭଞ୍ଜ । 2020ରେ ସେ କେଳୁଚରଣ ମହାପାତ୍ର ପୁରସ୍କାର ପାଇଥିଲେ । ‘ଜୀବନ ମୃତ୍ୟୁ, ‘ହରିଭାଇ ହାରେନା, ‘ସତମିଛ, ‘ସାଗର ଗଙ୍ଗା’, ‘ରୁପା ଗାଁର ସୁନା କନିଆ’, ‘ପଥର ଖସୁଛି ବଡ଼ ଦେଉଳୁ’, ‘ଚକା ଆଖି ସବୁ ଦେଖୁଛି’ ଭଳି ସୁପରହିଟ୍ ଫିଲ୍ମରେ ନିର୍ଦ୍ଦେଶନା ଦେଇଥିଲେ ରାଜୁ ମିଶ୍ର । ବିଶିଷ୍ଟ ଚଳଚ୍ଚିତ୍ର ନିର୍ଦ୍ଦେଶକ ରାଜୁ ମିଶ୍ରଙ୍କ ପରଲୋକରେ ସିନେ ଜଗତରେ ଶୋକର ଛାୟା ଖେଳିଯାଇଛି । ୨୦୨୦ରେ ସେ କେଳୁଚରଣ ମହାପାତ୍ର ପୁରସ୍କାର ପାଇଥିଲେ । ଓଡିଆ ଚଳଚ୍ଚିତ୍ରର ଏକ ଗତାନୁଗତିକ ଧାରାକୁ ଭାଙ୍ଗି ସେ ଏକ ନୂଆ ଧରଣର ପ୍ରଚେଷ୍ଟା କରି ସଫଳ ହୋଇଥିଲେ । ତେବେ ତାଙ୍କ ବିୟୋଗରେ କୁନା ତ୍ରିପାଠୀ ଓ ସବ୍ୟସାଚୀ ମହାପାତ୍ରଙ୍କ ଭଳି ପ୍ରମୁଖ ଅଭିନେତାମାନେ ଶୋକ ପ୍ରକାଶ କରିବା ସହ ତାଙ୍କ ନିର୍ଦ୍ଦେଶନାର ନିପୁଣତାକୁ ବଖାଣିଛନ୍ତି ।
