ଡ୍ୟୁଟି ବେଳେ ଦୁର୍ଘଟଣା, ସିଲଂରେ ଓଡ଼ିଆ ଯବାନ ସହିଦ

ଟାଙ୍ଗୀ: ଦେଶ ସେବା କରିବାକୁ ଯାଇ ସହିଦ ହେଲେ ଓଡ଼ିଆ ଯବାନ । ଆସାମ ସିଲଂରେ କାର୍ଯ୍ୟରତ ଓଡ଼ିଆ ବିଏସଏଫ ଯବାନ ସହିଦ ହୋଇଛନ୍ତି । ସହିଦ ଯବାନ ଜଣଙ୍କ ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଅରାଞ୍ଚଳ ଗାଁର ଜୟ ପ୍ରକାଶ  ମହାପାତ୍ର ଓରଫ୍ କାଳିଆ । ସୀମା ସୁରକ୍ଷା ବାହିନୀରେ କର୍ତ୍ତବ୍ୟରତ ଥିବା ବେଳେ ଦୁର୍ଘଟଣା ଘଟି ସହିଦ ହୋଇଛନ୍ତି ।

ଡ୍ୟୁଟିରେ ଜୟ ପ୍ରକାଶଙ୍କ ମୃତ୍ୟୁ ଖବର ମିଳିବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି । ଆସନ୍ତାକାଲି ସହିଦ ଯବାନଙ୍କ ପାର୍ଥିବ ଶରୀର ଗାଁରେ ପହଞ୍ଚିବ । ଜୟ ପ୍ରକାଶଙ୍କ ମୃତ୍ୟୁ ଖବର ପାଇ ତାଙ୍କ ପତ୍ନୀ ଓ ଏକମାତ୍ର କନ୍ୟା ଭାଙ୍ଗି ପଡ଼ିଛନ୍ତି ।