ପୁଣିଥରେ ଚର୍ଚ୍ଚାରେ ଓଡିଆ ପୁଅ। ସୁପରହିଟ ତେଲୁଗୁ ସିନେମା ‘ହନୁମାନ’ରେ ସହକାରୀ ନିର୍ଦ୍ଦେଶକ ଦାୟିତ୍ଵ ତୁଲାଇ ଆଣିଛନ୍ତି ଗୌରବ। ରାୟଗଡ଼ା ଜେକେପୁରର ମିଲନ୍ କୁମାର ନାୟକ। ପାରଳାଖେମୁଣ୍ଡିରେ ବିଟେକ ଅଧ୍ୟୟନ କରିବା ପରେ ଚାକିରି ପାଇଁ ଯାଇଥିଲେ ମୁମ୍ବାଇ। ସେଠାରେ ଏକ ମଲ୍ଟି ନ୍ଯାସନାଲ କମ୍ପାନୀରେ ୩ ବର୍ଷ ଚାକିରି କରିଥିଲେ। ହେଲେ ପିଲା ବେଳୁ ସିନେମାରେ ନିର୍ଦ୍ଦେଶନା ଦେବା ପାଇଁ ତାଙ୍କର ରହିଥିବା ଦୁର୍ବଳତା ଟାଣି ନେଇଥିଲା ସିନେମା ଜଗତକୁ । ଦୁଇଟି ହିନ୍ଦୀ ସିନେମାରେ ସହକାରୀ ନିର୍ଦ୍ଦେଶକ ଭାବେ ସଫଳତାର ସହ ଦାୟିତ୍ୱ ତୁଲାଇଥିଲେ ମିଲନ୍।
ଏହାପରେ ୨୦୧୯ ମସିହାରେ ହାଇଦ୍ରାବାଦ ଆସିଥିଲେ ମିଲନ୍। ସେଠାରେ ଦୁଇଟି ତେଲୁଗୁ ସିନେମାରେ ନିର୍ଦ୍ଦେଶନା ଦେଇଥିଲେ। ନିକଟରେ ମୁକ୍ତିଲାଭ କରିଥିବା ତେଲୁଗୁ ସିନେମା ହନୁମାନରେ କାମ କରି ସେ ପ୍ରଶଂସା ସାଉଁଟିଛନ୍ତି। ପୁଅର ସଫଳତାରେ ବେଶ ଖୁସି ପରିବାର ଲୋକ। ମିଲନଙ୍କ ବାପ ରାମଚନ୍ଦ୍ର ଜେକେ କାଗଜକଳର ଜଣେ କର୍ମଚାରୀ ହୋଇଥିବା ବେଳେ ମା ଜ୍ୟୋତ୍ସ୍ନା ଜଣେ ଗୃହିଣୀ।
