ଯାତ୍ରାରେ ପୁଣି ଅଶ୍ଳିଳ ନାଚ: ଆଇଟମ୍ ଗାର୍ଲ ଲଭଲିଙ୍କୁ ବିରୋଧ

ବାଲେଶ୍ବର: ଯାତ୍ରାରେ ଅଶ୍ଳିଳ ନାଚକୁ ବିରୋଧ । ମେଲୋଡି ବେଳେ ଆଇଟମ୍ ଗାର୍ଲ ଲଭଲି ଅଶ୍ଳିଳ ନାଚ ପ୍ରଦର୍ଶନ କରିଥିବା ଅଭିଯୋଗ । ନାଚ ଚାଲିଥିବା ବେଳେ ଦର୍ଶକଙ୍କ ବିରୋଧ । ବିରୋଧ ପରେ ଆଇଟମ ଗାର୍ଲ ଖରାପ ଭାଷାରେ ଗାଳି ଗୁଲଜ କରିଥିବା ଅଭିଯୋଗ । ଯାହାର ଭିଡିଓ ହେଉଛି ଭାଇରାଲ ।

ସୂଚନା ଅନୁସାରେ, ଗତକାଲି ବାଲେଶ୍ବର କମର୍ଦ୍ଦା ଥାନା ଅନ୍ତର୍ଗତ କୁରୁଣ୍ଠିଆ ଗାଁରେ ବାଣେଶ୍ୱରୀ ଯାତ୍ରା ପେଣ୍ଡାଲକୁ ଡ୍ୟାନ୍ସ ପାଇଁ ଆସିଥିଲେ ଆଇଟମ ଗାର୍ଲ୍ ଲଭଲି । ଲଭଲିଙ୍କ ନୃତ୍ୟରେ ଅଶ୍ଳିଳତା ଥିବାରୁ ଏହାକୁ ବିରୋଧ କରିଥିଲେ ଦର୍ଶକ । ଫଳରେ ଅଧା ଡ୍ୟାନ୍ସରୁ ଆଇଟମ ଗାର୍ଲ୍ ଲଭଲିଙ୍କୁ ଫେରିବାକୁ ପଡିଥିଲା । ଯାତ୍ରା ମଞ୍ଚରେ ଏଭଳି ଅଶ୍ଳିଳତା ପ୍ରଦର୍ଶନ ବନ୍ଦ କରିବାକୁ ଦାବି କରିଥିଲେ ଦର୍ଶକ ।