୨୫ କୋଟି ଟପିଲା ବିଶ୍ବରେ କରୋନା ଆକ୍ରାନ୍ତଙ୍କ ସଂଖ୍ୟା

ନୂଆଦିଲ୍ଲୀ: କରୋନା କବଳରେ ପୂରା ବିଶ୍ବ । ହନ୍ତସନ୍ତ କରୁଛି, ଜୀବନ ନେଉଛି । ବର୍ତ୍ତମାନ ସୁଦ୍ଧା ପୂରା ଦୁନିଆରେ ୨୫ କୋଟି ଲୋକଙ୍କ ଗ୍ରାସି ସାରିଲାଣି କାଳ ରୂପୀ କରୋନା ମହାମାରୀ । ଗଲାଣି ୫୦ ଲକ୍ଷ ଲୋକଙ୍କ ଜୀବନ ।

ସଂକ୍ରମଣରେ ଶୀର୍ଷରେ ରହିଛି ଆମେରିକା । ଏଠାରେ ମୋଟ ସଂକ୍ରମିତଙ୍କ ସଂଖ୍ୟା ପାଖାପାଖି ୫ କୋଟି ଛୁଇଁଛି । ସେହିଭଳି ସାଢେ ୭ ଲକ୍ଷରୁ ଅଧିକ ଲୋକଙ୍କ ଜୀବନ ନେଇଛି ମହାମାରୀ । ଦ୍ବିତୀୟ ସ୍ଥାନରେ ଅଛି ଭାରତ । ମୋଟ ସଂକ୍ରମିତଙ୍କ ସଂଖ୍ୟା ୩ କୋଟି ୪୩ ଲକ୍ଷରୁ ଅଧିକ ଥିବାବେଳେ ମୃତ୍ୟୁ ସଂଖ୍ୟା ୪ ଲକ୍ଷ ୬୦ ହଜାରରେ ଛୁଇଁଛି । ତୃତୀୟ ସ୍ଥାନରେ ରହିଛି ବ୍ରାଜିଲ । ଏଠାରେ ମୋଟ ଆକ୍ରାନ୍ତଙ୍କ ସଂଖ୍ୟା ୨ କୋଟି ୧୮ ଲକ୍ଷରୁ ଅଧିକ ଥିବା ବେଳେ ମୃତ୍ୟୁ ସଂଖ୍ୟା ହେଇଛି ୬ ଲକ୍ଷ ୯ ହଜାର ।