ଏବେ ୧୦ ମିନିଟରେ OLA କରିବ ଫୁଡ୍ ଡେଲିଭରି
ନୂଆଦିଲ୍ଲୀ: ଫୁଡ୍ ଡେଲିଭରି ଆପ୍ ଗୁଡ଼ିକ ଆଜିକାଲି ଲୋକଙ୍କ କାମକୁ ଅଧିକ ସହଜ କରି ଦେଇଛି । ଯେପରିକି ସ୍ୱିଗି ଏବଂ ଜୋମାଟୋ । ଗୋଟିଏ ଅର୍ଡରରେ ଆପଣଙ୍କ ଘରେ ଆସି ଆପଣଙ୍କ ପସନ୍ଦର ଖାଦ୍ୟ ପହଞ୍ଚି ଯାଉଛି । ଏବେ ଏହିଭଳି ସୁବିଧା ଯୋଗାଇବାକୁ ଯାଉଛି ‘ଓଲା’ । କିନ୍ତୁ ଓଲାର ସେବା ଖୁବ୍ ଭିନ୍ନ । ଏଥିପାଇଁ ଆପଣଙ୍କୁ ଅଧିକ ସମୟ ଅପେକ୍ଷା କରିବାକୁ ପଡ଼ିବ ନାହିଁ । ମାତ୍ର ୧୦ ମିନିଟରେ ଆପଣଙ୍କ ନିକଟରେ ଖାଦ୍ୟ ପହଞ୍ଚିଯିବ । କମ୍ପାନୀ ଏହି ସେବାର ଟ୍ରାଏଲ ଆରମ୍ଭ କରି ଦେଇଛି । ନିକଟରେ ସ୍ୱିଗି ଏବଂ ଜୋମାଟୋ ମଧ୍ୟ ଏହିଭଳି ବ୍ୟବସ୍ଥା ପାଇଁ ପ୍ରସ୍ତୁତି କରୁଥିଲେ ।
ଓଲା ବାଙ୍ଗାଲୁରୁରେ ଏହି ନୂଆ ସେବାର ଟେଷ୍ଟିଂ ଆରମ୍ଭ କରିଛି । କିନ୍ତୁ ଏବେ ଏହା ଲିମିଟେଡ୍ ଡିସ୍ ଉପରେ ସୀମିତ ରହିଛି ।
ଓଲା ତା’ର ୧୦ ମିନିଟ୍ ଫୁଡ୍ ଡେଲିଭରି ସର୍ଭିସରେ ଖେଚୁଡ଼ି, ପିଜ୍ଜା ଏବଂ କାଠି ରୋଲ ଭଳି ଆଇଟମ ସାମିଲ କରିଛି । ତେବେ ଖାଦ୍ୟ ସମ୍ପୂର୍ଣ୍ଣ ତାଜା ତିଆରି ହେବ ବୋଲି କମ୍ପାନୀ ଦାବି କରିଛି ।
ତେବେ ଓଲା ଖିଚଡ଼ି ଏକ୍ସପେରିମେଣ୍ଟ, ପରାଠା ଏକ୍ସପେରିମେଣ୍ଟ, ବିରିୟାନୀ ଏକ୍ସପେରିମେଣ୍ଟ ଏବଂ ନାସ୍ତା ଏକ୍ସପ୍ରେସ୍ ନାମରେ କିଚେନ୍ ମଧ୍ୟ ଚଲାଉଛି ।
