ଉପ-ନିର୍ବାଚନ ନେଇ ବିଜ୍ଞପ୍ତି ପ୍ରକାଶ: ଘରେ ବସି ବି ଦେଇ ହେବ ଭୋଟ

ଭୁବନେଶ୍ୱର: ପ୍ରକାଶ ପାଇଲା ତିର୍ତ୍ତୋଲ ଓ ବାଲେଶ୍ଵର ଉପନିର୍ବାଚନ ପାଇଁ ବିଜ୍ଞପ୍ତି । କୋଭିଡ କଟକଣା ଭିତରେ ନିର୍ବାଚନ କରିବା ବଡ଼ ଚ୍ୟାଲେଞ୍ଜ । ତେବେ ପୂର୍ବରୁ ହେଉଥିବା ନିର୍ବାଚନଠାରୁ ଏହା ଭିନ୍ନ ହେବାକୁ ଯାଉଛି । ସାମାଜିକ ଦୂରତା ସହ ମତଦାନ କରିବାକୁ ଏଥର ବୁଥ୍ ସଂଖ୍ୟା ବଢାଯାଇଛି । ଏପରିକି ଘରେ ବସି ବି ପୋଷ୍ଟାଲ ବାଲଟ ଜରିଆରେ ନିର୍ବାଚନ ପୂର୍ବରୁ ଦେଇ ହେବ ଭୋଟ । ଆଜିଠାରୁ ନାମାଙ୍କନ ପ୍ରକ୍ରିୟା ଆରମ୍ଭ ହୋଇଥିବା ବେଳେ ଦୁଇ ଦିନ ଭିତରେ ସମସ୍ତ ରାଜନୈତିକ ଦଳ ଚୂଡ଼ାନ୍ତ କରିବେ ପ୍ରାର୍ଥୀ ତାଲିକା ।

କୋଭିଡ ନିୟମ ଭିତରେ ପ୍ରଥମ ଥର ପାଇଁ ନିର୍ବାଚନ ପରିଚାଳନା ହେବାକୁ ଯାଉଛି । ସାମାଜିକ ଦୂରତର ରକ୍ଷା କରିବାକୁ ୪୦ରୁ ୫୦ ପ୍ରତିଶତ ବୁଥ୍ ସଂଖ୍ୟା ବୃଦ୍ଧି କରାଯାଇଛି। ଆଜିଠାରୁ ବୁଥ୍ ଲେବଲ ଓ୍ୱାର୍କର ପୋଷ୍ଟାଲ ବାଲଟ୍ ପାଇଁ ଘର ଘର ବୁଲିବେ ।  ଚିହ୍ନଟ ହୋଇଥିବା ୮୦ ବର୍ଷରୁ ଅଧିକ ଲୋକ ଭିନ୍ନକ୍ଷମ ଓ କୋଭିଡ୍ ରୋଗୀଙ୍କୁ ୧୨ଡି ଫର୍ମ ଦିଆଯିବ। ପୋଷ୍ଟାଲ ବାଲଟ ପାଇଁ ଇଛୁକମାନେ ସେହି ଫର୍ମ ଭରିବେ । ୧୪ ତାରିଖ ଭିତରେ ଏହି ପ୍ରକ୍ରିୟା ସରିବ। ୨୧ ତାରିଖ ପରେ ୮ ଦିନ ଯାଏ ଘର ଘର ବୁଲି ସ୍ୱତନ୍ତ୍ର ଟିମ୍ ପୋଷ୍ଟାଲ ବାଲଟ ଦ୍ୱାରା ଭୋଟିଂ କରାଇବେ। ଦୁଇଟି ଏନଭଲପରେ ଏହାକୁ ସିଲ୍ କରାଯିବ । ପୋଲିସ ଉପସ୍ଥିତିରେ ପୂରା ପ୍ରକ୍ରିୟାର ଭିଡ଼ିଓ ରେକର୍ଡିଂ କରାଯିବ । ଭୋଟ୍ ପୂର୍ବରୁ ପୋଷ୍ଟାଲ ବାଲଟରେ ଭୋଟିଂ ସରିବ ।

କୋଭିଡ ନିୟମରେ ମଧ୍ୟରେ କିଛି ଏଭଳି ହେବ ଉପନିର୍ବାଚନ

ନାମାଙ୍କନ ପାଇଁ ପ୍ରାର୍ଥୀଙ୍କ ସହ 2 ଜଣ ଓ ଦୁଇଟି ଗାଡ଼ି ଯିବ

 ଡୋର କ୍ୟାମ୍ପନିଂ ପ୍ରାର୍ଥୀ ସହ ୫ ଜଣ ଯିବେ, ସୁରକ୍ଷାକର୍ମୀ ଥିଲେ ୬ଜଣ ଯାଇ ପାରିବେ

 ଜିଲ୍ଲା ନିର୍ବାଚନ ଅଧିକାରୀ ସଭା ସ୍ଥଳ ଚିହ୍ନଟ କରିବେ

 ଦଳମତ ନିର୍ବିଶେଷରେ ରାଜନୈତିକ ଦଳ ଚିହ୍ନଟ ସ୍ଥାନରେ ସଭା କରିବେ

ଅପରପକ୍ଷରେ ଦୁଇ ଦିନ ଭିତରେ ପ୍ରାର୍ଥୀ ଘୋଷଣା କରିବ କଂଗ୍ରେସ । ଚଳିତ ଥର ନୂତନ ଚେହେରାଙ୍କୁ ଦଳ ସୁଯୋଗ ଦେଇପାରେ । ସେହିପରି ବିଜେପି ମଧ୍ୟ ଦୁଇ ଦିନ ଭିତରେ ପ୍ରାର୍ଥୀ ଚୂଡ଼ାନ୍ତ କରିବ । ପ୍ରତି ନିର୍ବାଚନମଣ୍ଡଳୀରୁ ତିନୋଟି ପ୍ରାର୍ଥୀଙ୍କ ନାଁ ଯାଇଛି । ବିଜେଡି ମଧ୍ୟ ଦୁଇ ଦିନ ଭିତରେ ଚିତ୍ର ସ୍ପଷ୍ଟ କରିବ । ମତଦାନ କେନ୍ଦ୍ରରେ ପ୍ରାର୍ଥୀଙ୍କ ଥର୍ମାଲ ସ୍କାନିଂ କରାଯିବ । ତାପମାତ୍ରା ଅଧିକ ଥିବା ଭୋଟରଙ୍କୁ ଏକ ଟୋକନ ଦିଆଯାଇ ଶେଷ ଏକ ଘଣ୍ଟାରେ ଭୋଟିଂ ପାଇଁ ସୁଯୋଗ ମିଳିବ। ମତଦାନ କେନ୍ଦ୍ରରେ ପ୍ରାର୍ଥୀଙ୍କ ଥର୍ମାଲ ସ୍କାନିଂ କରାଯିବ । ତାପମାତ୍ରା ଅଧିକ ଥିବା ଭୋଟରଙ୍କୁ ଏକ ଟୋକନ ଦିଆଯାଇ ଶେଷ ଏକ ଘଣ୍ଟାରେ ଭୋଟିଂ ପାଇଁ ସୁଯୋଗ ମିଳିବ।