ମଣିଷ ନୁହଁ ଏବେ ମେସିନ୍ ଲଢ଼ିବ କେସ୍

ଚୀନ : ଏବେ ଅପରାଧୀଙ୍କୁ ଧରିବା ହେବା ସହଜ । ମଣିଷ ନୁହେଁ ମେସିନ୍ ଧରିବ ଅପରାଧୀ ଆଉ ଧାର୍ଯ୍ୟ କରିବ ସଠିକ୍ ଦଣ୍ଡ । ଏଥିପାଇଁ ଚୀନର ଟେକ୍ କମ୍ପାନୀ ଆରମ୍ଭ କରିଛି ଏକ ଅଭିନବ ପ୍ରୟାସ । ଆରଟିଫିସିଆଲ ଇଣ୍ଟେଲିଜେନ୍ସ ପାୱାର୍ଡ ପ୍ରୋସିକ୍ୟୁଟର ନାମକ ଏକ ମେସିନ୍ ଏବେ ଅପରାଧୀଙ୍କୁ ଚିହ୍ନଟ କରିବାରେ ସାହାଯ୍ୟ କରିବ । ତର୍କ ଏବଂ ବିତର୍କ ସାହାଯ୍ୟରେ ଅପରାଧୀଙ୍କୁ କରିବ ପର୍ଦ୍ଦାଫାସ । ଏହି ମେସିନ୍ ୯୭ ପ୍ରତିଶତ ସଠିକ୍ ତଥ୍ୟ ଦେଉଥିବାର କମ୍ପାନୀ କହିଛି । ସାଂଘାଇ ପୁଣ୍ଡୋଗ ପିପୁଲ୍ସ ପ୍ରୋକ୍ୟୁରେଟୋରେଟ କମ୍ପାନୀ ଏହି ମେସିନ୍ ନିର୍ମାଣ କରିଥିବା ସୂଚନା ମିଳିଛି । ଯାହାର ନାଁ ଆରଟିଫିସିଆଲ ଇଣ୍ଟେଲିଜେନ୍ସ ପାୱାର୍ଡ ପ୍ରୋସିକ୍ୟୁଟର ରଖାଯାଇଛି । ନିର୍ମାତାଙ୍କ କହିବାନୁସାରେ ଅଧିକାରୀମାନଙ୍କ କାର୍ଯ୍ୟଭାର କମ୍ କରିବା ଏହାର ମୁଖ୍ୟ ଉଦ୍ଦେଶ୍ୟ ।

ଏହି ମେସିନର ବ୍ୟବହାର କମ୍ପ୍ୟୁଟର ଡେସ୍କଟପରେ ମଧ୍ୟ କରାଯାଇପାରିବ । ଏହା କେବଳ ପୋଲିସ ଏବଂ ସରକାରୀ ଓକିଲଙ୍କ କାର୍ଯ୍ୟରେ ବ୍ୟବହାର ହେବ । ଅର୍ଥାତ୍ ପ୍ରୋସିକ୍ୟୁଟର ତଥ୍ୟ ଆଧାରରେ କୋର୍ଟରେ ଅପରାଧୀଙ୍କୁ ଚିହ୍ନଟ କରିବା ସହ କେଉଁ ଅପରାଧ ପାଇଁ କିଭଳି ଦଣ୍ଡ ଦିଆଯିବ ତାହା ବିଚାରପତିଙ୍କୁ ଜଣାଇବ । ରିପୋର୍ଟ ମୁତାବକ ଏଆଇ ପ୍ରୋସିକ୍ୟୁଟର ବିକାଶ ନିମନ୍ତେ ୨୦୧୫ରୁ ୨୦୨୦ ପର୍ଯ୍ୟନ୍ତ ଅନେକ ଆଇନଗତ ମାମଲା ଉପରେ ଅଧ୍ୟୟନ କରାଗଲା । ଏହି ମେସିନ୍ ଚୋରି, ଡକାୟତି, କ୍ରେଡିଟ୍ କାର୍ଡ ଠକାମି ଏବଂ ଜୁଆଖେଳ ଭଳି ମାମଲାର ବିଶ୍ଳେଷଣ କରି ଅପରାଧୀଙ୍କୁ ଚିହ୍ନଟ କରିବା ସହ ଦଣ୍ଡବିଧାନ କରିବ ।

ମେସିନ୍ ଦେଇପାରେ ଭୁଲ୍ ତଥ୍ୟ :

୯୭ ପ୍ରତିଶତ ସଠିକ୍ ତଥ୍ୟ ଦେବା ପରେ ମଧ୍ୟ ମେସିନ୍ ଭୁଲ୍ ତଥ୍ୟ ଦେବାର ସମ୍ଭାବନା ରହିଛି ବୋଲି ସାଉଥ୍ ଚାଇନା ମେଣ୍ଟିଙ୍ଗ୍ ପୋଷ୍ଟ ସହ ଆଲୋଚନା ପରେ ଚୀନ ପ୍ରୋସିକ୍ୟୁଟର ସୂଚନା ଦେଇଛି । ଏଥିସହ ସେ କହିଛନ୍ତି ଯେ ଏଭଳି ପରିସ୍ଥିତି ଉପୁଜିଲେ ଏହାର ଦୋଷୀ କିଏ ?  ସେ ଏହା ମଧ୍ୟ କହିଛନ୍ତି ମେସିନ୍ ଅପରାଧୀଙ୍କୁ ଧରିପାରିବ ସତ ମାତ୍ର ଏହାକୁ ମନୁଷ୍ୟଠାରେ ପ୍ରୟୋଗ କରିବା ସଠିକ୍ ନୁହେଁ ।