ଉତ୍ତର କୋରିଆରେ କରୋନା ତାଣ୍ଡବ, ୨୪ ଘଣ୍ଟାରେ ଭାଇରସ୍ ନେଲା ୨୧ ଜଣଙ୍କ ଜୀବନ

ଉତ୍ତରକୋରିଆ: ଉତ୍ତରକୋରିଆରେ ତାଣ୍ଡବ ରଚୁଛି କରୋନା । ମହାମାରୀରେ ୨୪ ଘଣ୍ଟାରେ ୨୧ଜଣ ପ୍ରାଣ ହରାଇଥିବାବେଳେ ସଂକ୍ରମିତ ହୋଇଛନ୍ତି ୧ ଲକ୍ଷ ୭୪ ହଜାର ୪୪୦ ଲୋକ । ପ୍ରଥମ ଥର ଲାଗି ଉତ୍ତରକୋରିଆରେ ସଂକ୍ରମଣ ବଢ଼ିବା ଯୋଗୁ ଆତଙ୍କ ପ୍ରକାଶ ପାଇଛି । ହଜାର ହଜାର ଲୋକଙ୍କ ଟେଷ୍ଟିଂ କରାଯାଉଥିବାରୁ ଏହି ସଂଖ୍ୟା ଅଧିକ ହେବା ଆଶଙ୍କା କରାଯାଉଛି । ସାରା ଦେଶରେ ଲକଡାଉନ ଓ ଜରୁରିକାଳୀନ ସ୍ଥିତି ଲାଗୁ କରାଯାଇଥିବା ସତ୍ତ୍ବେ ସଂକ୍ରମଣ କାୟା ମେଲାଇବାରେ ଲାଗିଛି । ପ୍ରାୟ ୨ଲକ୍ଷ ଲୋକଙ୍କୁ ଆଇସୋଲେସନରେ ରଖାଯାଇଥିବା ସୂଚନା ମିଳିଛି ।