ଉତ୍ତର କୋରିଆରେ ପ୍ରଥମ କରୋନା ମୃତ୍ୟୁ

ପୋଙ୍ଗୟାଙ୍ଗ: ଉତ୍ତର କୋରିଆରେ ପ୍ରଥମ କରୋନା ମୃତ୍ୟୁ। ରହସ୍ୟମୟୀ ଜ୍ୱରରେ ୫ଜଣଙ୍କ ଜୀବନ ଯାଇଥିବା ବେଳେ ପ୍ରଥମ କରୋନା ରୋଗୀଙ୍କ ମୃତ୍ୟୁ ହୋଇଛି। ଅଜଣା ଜ୍ୱରରେ ପ୍ରାଣ ହରାଇଥିବା ୫ ଜଣ କରୋନାରେ ଆକ୍ରାନ୍ତ ଥିଲେ କି ନାହିଁ, ତାହା ସ୍ପଷ୍ଟ ହୋଇନି। ତେବେ ସେମାନଙ୍କଠାରେ ମଧ୍ୟ କରୋନା ଲକ୍ଷଣ ଦେଖାଯାଉଥିବା ସୂଚନା ମିଳିଛି ।

ଗତକାଲି ଦେଶରେ ପ୍ରଥମ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳ ସରାଦେଶରେ ଲକ୍‌ଡାଉନ ଓ ଜରୁରିକାଳୀନ ସ୍ଥିତି ଲାଗୁ କରାଯାଇଛି। ଉତ୍ତର କୋରିଆରର ଏକଛତ୍ରବାଦୀ ଶାସକ କିମ ଜଙ୍ଗ ଉନ୍ ଉଚ୍ଚସ୍ତରାୟ ବୈଠକରେ କରୋନା ସ୍ଥିତି ନିୟନ୍ତ୍ରଣ ପାଇଁ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଛନ୍ତି। ଗତକାଲି କରୋନା ଆକ୍ରାନ୍ତ ବ୍ୟକ୍ତି କରୋନାର ଓମିକ୍ରନ ଭାରିଏଣ୍ଟ ଦ୍ୱାରା ସଂକ୍ରମିତ ହୋଇଥିବା ସ୍ଥାନୀୟ ଗଣମାଧ୍ୟମ ଖବର ପ୍ରକାଶ କରିଥିଲା ।

ତେବେ ପ୍ରଥମ ଆକ୍ରାନ୍ତ ଚିହ୍ନଟ ହେବା ପରେ ପ୍ରାୟ ୨ଲକ୍ଷ ଲୋକଙ୍କୁ ଆଇସୋଲେସନରେ ରଖାଯାଇଛି। ଅପରପକ୍ଷରେ ଦେଶରେ ପ୍ରଥମକରି କରୋନା ସଙ୍କଟ ଦେଖାଦେଇଥିବାରୁ ଉତ୍ତର କୋରିଆର ସୁପ୍ରିମ ଲଡର ମାସ୍କ ପିନ୍ଧିଥିବା ଦେଖାଯାଇଛି।