ପାହାନ୍ତି ପହରରେ ପିଟି ହୋଇ ଆଗକୁ ବଢ଼ିବ ‘ବୁଲବୁଲ୍’

1 min read

ଭୁବନେଶ୍ୱର: ଅତି ଭୟଙ୍କର ସାମୁଦ୍ରିକ ଝଡ଼ ‘ବୁଲବୁଲ୍’ ମାଡ଼ି ଆସୁଛି । ଘଣ୍ଟା ପ୍ରତି ୧୨ କିମି ବେଗରେ ଗତି କରୁଥିବା ‘ବୁଲବୁଲ୍’ ପାରାଦୀପ ଠାରୁ ୩୫୦ କିମି ଦୂରରେ ଅଛି । ଏହା ପାରାଦୀପ ଠାରୁ ୧୩୪ କିମି ଓ ପୁରୀ ଠାରୁ ୨୦୮ କିମି ଦୂର ଦେଇ ଗତି କରିବ । ପ୍ରଭାବରେ ଆଜି ପୁରୀ, କେନ୍ଦ୍ରାପଡ଼ା, ଭଦ୍ରକ ଓ ଜଗତସିଂହପୁର ଜିଲ୍ଲାରେ ପ୍ରବଳ ବର୍ଷା ହେବ । ଓଡ଼ିଶା ଉପକୂଳରେ ଘଣ୍ଟାପ୍ରତି ପବନ ୫୫ କିମି ବେଗରେ ବହିବ । ଏହା ବୃଦ୍ଧି ପାଇ ଘଣ୍ଟାପ୍ରତି ୭୦ କିମି ଓ ଆସନ୍ତାକାଲି ସର୍ବାଧିକ ୯୦ କିମି ପର୍ଯ୍ୟନ୍ତ ରହିବ ବୋଲି ଏସଆରସି ସୂଚନା ଦେଇଛନ୍ତି । ପୁରୀ ଓ ଗଞ୍ଜାମରେ ପବନର ବେଗ ଘଣ୍ଟାପ୍ରତି ୫୦ କିମି ରହିବ ।

SRC

ଆସନ୍ତାକାଲି ବାଲେଶ୍ଵର, କେନ୍ଦ୍ରାପଡ଼ା, ଯାଜପୁର ଜିଲ୍ଲାରେ ଅଧିକ ବର୍ଷା ହେବ । ପ୍ରଭାବିତ ୯ଟି ଜିଲ୍ଲାକୁ ୨ଟି ଓଡ୍ରାଫ ଟିମ୍ ପଠାଯାଇଛି । ଅତି ପ୍ରବାହିତ ୬ଟି ଜିଲ୍ଲାକୁ ଗୋଟିଏ ଲେଖାଏଁ NDRF ଓ ୨ଟି ଲେଖାଏଁ ଅଗ୍ନିଶମ ସେବା ବାହିନୀ ପଠାଯାଇଛି । ୯ ତାରିଖରେ ବାଲେଶ୍ୱର, ଭଦ୍ରକ, କଟକ, କେନ୍ଦ୍ରାପଡ଼ା, ଜଗସତିଂହପୁର, ପୁରୀ, ଖୋର୍ଦ୍ଧା, ମୟୂରଭଞ୍ଜ, ଯାଜପୁର ଆଦି ୯ ଜିଲ୍ଲାରେ ସ୍କୁଲ ଓ ଅଙ୍ଗନୱାଡ଼ି ବନ୍ଦ ରହିବ । ୧୦ ତାରିଖ ବେଳକୁ ‘ବୁଲବୁଲ୍’ ବାତ୍ୟାର ପ୍ରଭାବ ରହିବ ନାହିଁ ।

ତୁରନ୍ତ ରାସ୍ତା ସଫା ପାଇଁ ସବୁ ଜିଲ୍ଲାପାଳଙ୍କୁ କୁହାଯାଇଛି । ବାତ୍ୟାର ପ୍ରକୋପରେ ବର୍ଷା ଓ ପବନ ହେବ । ପରିସ୍ଥିତି ଦେଖି ତଳିଆ ଅଞ୍ଚଳ ଲୋକଙ୍କୁ ସ୍ଥାନାନ୍ତରିତ କରାଯିବ । ଆବଶ୍ୟକ ପଡ଼ିଲେ ରନ୍ଧାଖାଦ୍ୟ ଯୋଗାଇ ଦିଆଯିବ । ଏନେଇ ଜିଲ୍ଲାପାଳ ନିଷ୍ପତ୍ତି ନେବେ । ଜଗତସିଂହପୁର, ବାଲେଶ୍ଵର, ଭଦ୍ରକ, କେନ୍ଦ୍ରାପଡ଼ା ଜିଲ୍ଲା ଅଧିକ ପ୍ରଭାବିତ ହେବ ।

')}

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.