ସାମାନ୍ୟ ବଚସାରୁ କଇଁଚିରେ ଭୁସି ସାଙ୍ଗକୁ ହତ୍ୟା

ନବରଙ୍ଗପୁର: ସାମାନ୍ୟ କଥାରୁ କଇଁଚିରେ ଭୁସି ସାଙ୍ଗକୁ ହତ୍ୟା । ନବରଙ୍ଗପୁର ଜିଲା ଉମରକୋଟ ବ୍ଲକ କୁର୍ସୀ ପଞ୍ଚାୟତର ନୂଆପାରା ଗାଁରେ ଏହି ଘଟଣା ଘଟିଛି । ଗାଁ କମିଟି ଦ୍ବାରା କରାଯାଇଥିବା ମକା ଫସଲ ଜଗିଥିବା ସମୟରେ ଦୁଇ ସାଙ୍ଗ ଶ୍ରୀଧର ମାଝୀ ଓ ଲଳିତ ଭତ୍ରାଙ୍କ ମଧ୍ୟରେ ବଚସା ହୋଇଥିଲା । ପରେ ସନ୍ଧ୍ୟାରେ ଉଭୟ ମଦ୍ୟପାନ କରି ପୁଣି ଝଗଡ଼ା କରିଥିଲେ । ଶ୍ରୀଧର ଉତକ୍ଷିପ୍ତ ହୋଇ ଲଳିତ ଭତ୍ରାଙ୍କ ବାମଛାତି ପାଖରେ କଇଞ୍ଚିରେ ଆକ୍ରମଣ କରିଥିଲା ।

ଖବର ପାଇ ଲଳିତଙ୍କୁ ତାଙ୍କ ବାପା ଏକ ଅଟୋରେ ଉମରକୋଟ ସ୍ୱାସ୍ଥ୍ୟକେନ୍ଦ୍ରକୁ ନେବା ସମୟରେ ବାଟରେ ମୃତ୍ୟୁ ଘଟିଥିଲା । ଉମରକୋଟ ଥାନାରେ ଅଭିଯୋଗ ପରେ ପୋଲିସ ସଂଗେ ସଂଗେ ପହଞ୍ଚି ହତ୍ୟା ଅଭିଯୁକ୍ତ ଶ୍ରୀଧରକୁ କାବୁ କରି ଥିଲା । ପରେ ଆଇଆଇସି ଦୀପକ କୁମାର ଜେନା ସନ୍ଧାନୀ କୁକୁର ସହ ହତ୍ୟାସ୍ଥଳରେ ପହଞ୍ଚି ହତ୍ୟାରେ ବ୍ୟବହୃତ କଇଁଚି ଜବତ କରିଛନ୍ତି । ଉମରକୋଟ ଥାନାର ସବ ଇନ୍ସପେକ୍ଟର ନଟବର ନନ୍ଦଙ୍କୁ ଘଟଣାର ତଦନ୍ତ ଦାୟିତ୍ଵ ଦିଆଯାଇଛି ।