ନୂଆଦିଲ୍ଲୀ : ଓସ୍କାର ନୋମିନେସନରେ ବେଷ୍ଟ ଫିଲ୍ମ ଶ୍ରେଣୀରେ ମିଳିବ କି ଆରଆରଆରକୁ ଏଣ୍ଟ୍ରି। ଆଜି ସଂଧ୍ୟାରେ ଘୋଷଣା ହେବ ୯୫ତମ ଓସ୍କାର ନୋମିନେସନ୍ ଲିଷ୍ଟ। ଏଥିପାଇଁ ଜାନୁଆରୀ ୧୧ରୁ ୧୭ତାରିଖ ମଧ୍ୟରେ ଭୋଟିଂ ହୋଇଥିଲା। ଏହାପରେ ଆଜି ଆକାଡେମୀ ଅଫ୍ ମୋସନ୍ ପିକ୍ଚର ଆର୍ଟ ଓ ସାଇନ୍ସ ପକ୍ଷରୁ ଅଫିସିଆଲ୍ ଲିଷ୍ଟ ଘୋଷଣା କରାଯିବ।
ଭାରତ ପକ୍ଷରୁ ଛେଲୋ ଶୋ ଓ ଆରଆରଆର ଫିଲ୍ମର ଗୀତ ନାଟୁ ନାଟୁ ସର୍ଟଲିଷ୍ଟ ହୋଇସାରିଛି। ଗୀତ ସହ ଆରଆରଆର ପାଇଁ ଅନ୍ୟ କେତେକ ଶ୍ରେଣୀରେ ମନୋନୟନ ଆଶା କରାଯାଉଛି। ଫିଲ୍ମକୁ ଶ୍ରେଷ୍ଠ ନିର୍ଦ୍ଦେଶନା, ଶ୍ରେଷ୍ଠ ଫିଲ୍ମ, ଶ୍ରେଷ୍ଠ ଅଭିନୟ ଶ୍ରେଣୀରେ ନୋମିନେସନ୍ ମିଳିପାରେ ।
ଓସ୍କାର ପାଇଁ ସର୍ଟଲିଷ୍ଟ ହୋଇଥିବା ଭାରତୀୟ ଫିଲ୍ମ ମଧ୍ୟରେ ଛେଲୋ ଶୋ, ଆରଆରଆରର ଗୀତ, ଶୌନକ ସେନଙ୍କ ଡକ୍ୟୁମେଣ୍ଟାରୀ ଫିଲ୍ମ ଅଲ୍ ଦାଟ୍ ବ୍ରିଦ୍ସ ଓ ଦି ଏଲିଫ୍ୟାଣ୍ଟ ହ୍ବିସପର୍ସ ରହିଛି । ସେହିପରି ବିବେକ ଅଗ୍ନିହୋତ୍ରୀଙ୍କ ଦି କଶ୍ମୀର ଫାଇଲସ ଓ ଋଷବ ସେଟ୍ଟୀଙ୍କ କାନ୍ତାରାକୁ ଓସ୍କାର ନୋମିନେସନରେ ସ୍ଥାନ ମିଳିବ କି ନାହିଁ, ତା ଉପରେ ନଜର ରହିଛି ।
