କିଛି ସମୟ ମଧ୍ୟରେ ନୋଏଡାରେ ଝଲସିବ ମ୍ୟୁଜିକାଲ ଫାଉଣ୍ଟେନ୍

ନୋଏଡ଼ା: ନୋଏଡ଼ାରେ ଖୋଲିଲା ପ୍ରଥମ ମ୍ୟଜିକାଲ ଫାଉଣ୍ଟେନ । ସେକ୍ଟର ୯୧ରେ ଖୋଲିଥିବା ଏହି ମ୍ୟୁଜିକାଲ ପାର୍କକୁ ଆଜିଠୁ ପ୍ରବେଶ କରିପାରିବେ ସାଧାରଣ ଲୋକ । ସବୁଠାରୁ ଖାସ କଥା ହେଉଛି, ଏଠାକୁ ପ୍ରବେଶ କରିବା ପାଇଁ କୌଣସି ଦେୟ ଦେବାକୁ ପଡ଼ିବ ନାହିଁ । ସେକ୍ଟର ୩୭ ଏବଂ ସେକ୍ଟର ୧୮ରୁ ମାତ୍ର ୧୫ ମିନିଟ ବ୍ୟବଧାନରେ ନିର୍ମାଣ ହୋଇଛି ଏହି ଫାଉଣ୍ଟେନ । ଯଦିଓ ଏଠାକୁ ଯିବାପାଇଁ କୌଣସି ଦେୟ ଦେବାକୁ ପଡ଼ିବ ନାହିଁ ତଥାପି ଏହା ମଧ୍ୟକୁ ସୀମିତ ପର୍ଯ୍ୟଟକ ପ୍ରବେଶ କରିପାରିବେ । କୋଭିଡ ୧୯ ପାଇଁ ଏହି କଟକଣା ଲାଗୁ କରାଯାଇଛି । ପରିସ୍ଥିତିରେ ସୁଧାରବସ୍ଥା ଆସିଲେ, ଏହି ନିୟମରେ ପରିବର୍ତ୍ତନ କରାଯିବ ।

ଆଜି ସଂନ୍ଧ୍ୟା ୭ଟାରୁ ଫାଉଣ୍ଟେନ ଖୋଲିବା ନେଇ ସୂଚନା ଦେଇଛନ୍ତି ନୋଏଡ଼ାର କର୍ତ୍ତୃପକ୍ଷ ରିତୁ ମହେଶ୍ୱରୀ । ଫାଷ୍ଟ ମ୍ୟୁଜିକାଲ ଫାଉଣ୍ଟେନ ଶୋରେ ଯୋଗ ଦେଇଥିବା ନୋଏଡ଼ାର ବିଧାୟକ ପଙ୍କଜ ସିଂ କହିଛନ୍ତି ଯେ, ଏହି ଫାଉଣ୍ଟେନ ହେବ ନୋଏଡ଼ାର ପରିଚୟ । ଏହା ସହିତ ଏହି ଫାଉଣ୍ଟେନ ନୋଏଡ଼ାର ମଡେଲ ପ୍ରୋଜେକ୍ଟ ହେବ ବୋଲି ଆଶାବାଦୀ ଅଛନ୍ତି ପଙ୍କଜ ସିଂ ।