World Food Prgrammeକୁ ନୋବେଲ୍ ଶାନ୍ତି ପୁରସ୍କାର, ଖାଦ୍ୟ ସୁରକ୍ଷା କ୍ଷେତ୍ରରେ ଉଲ୍ଲେଖନୀୟ ପ୍ରଦର୍ଶନ…
2 min read
ଭୁବନେଶ୍ୱର: ବିଶ୍ୱ ଖାଦ୍ୟ କାର୍ଯ୍ୟକ୍ରମ ବା ଓ୍ଵାର୍ଲଡ୍ ଫୁଡ ପ୍ରୋଗ୍ରାମକୁ ଚଳିତ ବର୍ଷର ସମ୍ମାନଜନକ ନୋବେଲ ଶାନ୍ତି ପୁରସ୍କାର ପ୍ରଦାନ କରାଯିବ । କ୍ଷୁଧା ଓ ଖାଦ୍ୟ ସୁରକ୍ଷାକୁ ଗୁରୁତ୍ୱ ପାଇଁ ଡବ୍ଲୁଏଫପିକୁ ଏହି ପୁରସ୍କାର ପାଇଁ ବଛାଯାଇଛି । ନୋବେଲ ଶାନ୍ତି ପୁରସ୍କାର ଦୌଡ଼ରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଓ ପରିବେଶ କର୍ମୀ ଗ୍ରେଟା ଥନବର୍ଗ ଥିବାବେଳେ ସେମାନଙ୍କୁ ପଛରେ ପକାଇଦେଇଛି ଡବ୍ଲୁଏଫପି ।
Congratulations to our colleagues from @WFP on being awarded the 2020 #NobelPeacePrize!
Their hard work towards #ZeroHunger & commitment to improve the lives of the world's most vulnerable people is needed now, more than ever. https://t.co/ovSIx8fylG https://t.co/7AE4A6Woaa
— United Nations (@UN) October 9, 2020
ଏ ସମ୍ପର୍କରେ ଟ୍ଵିଟ୍ କରି ନୋବେଲ କମିଟି ପକ୍ଷରୁ କୁହାଯାଇଛି ଯେ, ବିଶ୍ୱରେ କ୍ଷୁଧା ବିରୋଧରେ ଲଢେଇ, ଯୁଦ୍ଧଗ୍ରସ୍ତ ଅଞ୍ଚଳରେ ଶାନ୍ତି ଆଣିବା ଦିଗରେ ପ୍ରୟାସ ଏବଂ ଯୁଦ୍ଧ କିମ୍ବା ବିବାଦ ଲାଗି କ୍ଷୁଧାକୁ ଏକ ଅସ୍ତ୍ର ଭାବେ ବ୍ୟବହାର କରାଯିବାର ଅନେକ ଉଦାହରଣ ସାମ୍ନାକୁ ଆସିଛି । ଏଭଳି ହୀନ କାର୍ଯ୍ୟକଳାପକୁ ରୋକିବା ଦିଗରେ ଉଲ୍ଲେଖନୀୟ ଉଦ୍ୟମ କରି ଦି ଓ୍ଵାର୍ଲଡ୍ ଫୁଡ ପ୍ରୋଗ୍ରାମକୁ ନେବେଲ ଶାନ୍ତି ପୁରସ୍କାର ପ୍ରଦାନ କରାଯିବ ।ବିଶ୍ୱର କୋଣ ଅନୁକୋଣରେ କ୍ଷୁଧା ମେଣ୍ଟାଇବାରେ ଏହି ସଙ୍ଗଠନର ପ୍ରମୁଖ ଭୂମିକା ରହିଛି ।
WFP is deeply humbled to receive the 2020 #NobelPeacePrize.
This is in recognition of the work of WFP staff who put their lives on the line every day to bring food and assistance to more than 100 million hungry children, women and men across the world. pic.twitter.com/cjHOtqLcLk
— World Food Programme (@WFP) October 9, 2020
ୟମନଠାରୁ ଆରମ୍ଭ କରି ଉତ୍ତରକୋରିଆ ଭଳି ଦେଶରେ ମଧ୍ୟ ଓ୍ୱାଲ୍ଡ ଫୁଡ୍ ପ୍ରୋଗ୍ରାମ କ୍ଷୁଧାର୍ଥଙ୍କୁ ଖାଦ୍ୟ ଯୋଗାଇଛି । ଅପହଞ୍ଚ ସ୍ଥାନରେ ପହଞ୍ଚିବା ପାଇଁ ସବୁ ପ୍ରକାର ଉଦ୍ୟମ କରି ଏହି ସଙ୍ଗଠନ ସଫଳ ହୋଇଛି । ୧୯୬୧ ମସିହାରେ ଆରମ୍ଭ ହୋଇଥିବା ଏହି ଅନୁଷ୍ଠାନ ଗତ ବର୍ଷ ହିଁ ୯୭ ମିଲିୟନ ଲୋକଙ୍କୁ ସହଯୋଗର ହାତ ବଢାଇଛି । ମାଗଣା ଖାଦ୍ୟ ପହଞ୍ଚାଇଛି । ୮୮ ଦେଶରେ ୧୫ ବିଲିୟନ ଅର୍ଥ ବିନିମୟରେ ଖାଦ୍ୟ ଯୋଗାଇଛି । ଓ୍ୱାଲ୍ଡ ଫୁଡ୍ ପ୍ରୋଗ୍ରାମ ସଂଯୁକ୍ତ ରାଷ୍ଟ୍ରର ଏକ ଅଂଶ । ଏହାକୁ ମିଶାଇ ସଂଯୁକ୍ତ ରାଷ୍ଟ୍ର ସମୁଦାୟ ୧୨ଟି ନୋବେଲ ହାସଲ କରିଛି । ଯାହା ନୋବେଲ ବିଜେତାଙ୍କ ମଧ୍ୟରେ କୌଣସି ସଙ୍ଗଠନକୁ ମିଳିଥିବା ସର୍ବାଧିକ ପୁରସ୍କାର ।
