ଶ୍ରୀନଗରରେ ଜଣେ ହେଲେ ସକ୍ରିୟ ଆତଙ୍କବାଦୀ ନାହାଁନ୍ତି, ଏନକାଉଣ୍ଟରରେ ମରିଲେଣି ୧୩୮……

ଶନିବାର ଲସ୍କର-ଇ-ତଇବା ଆତଙ୍କବାଦ ଇସଫକ୍ ରସିଦ ଖାଁକୁ ଏନକାଉଣ୍ଟର କରାଯାଇଛି । ତେବେ ଏହା ପରେ ଜମ୍ମୁଓକଶ୍ମୀର ଆଇଜି ବିଜୟ କୁମାର ଟ୍ୱିଇଟ୍ କରି ଏନେଇ ମତବ୍ୟକ୍ତ କରିଛନ୍ତି । ଉକ୍ତ ଟ୍ୱିଇଟ ଅନୁଯାୟୀ ଶ୍ରୀନଗରରେ ପ୍ରତିଟି ପରିବାର ଏବେ ଆତଙ୍କବାଦ ସଂପୃକ୍ତିରୁ ମୁକ୍ତ । ଶ୍ରୀନଗର ଜିଲ୍ଲାରେ ଏଭଳି ପରିବାର ନାହିଁ ଯାହାର ସଂପୃକ୍ତି ଆତଙ୍କବାଦ ସଙ୍ଗଠନ ସହ ରହିଛି  । ସେହିଭଳି  କୌଣସି ସକ୍ରିୟ ଆତଙ୍କବାଦ ନାହାନ୍ତି ।  କିଛି ମାସ ହେବ ଆତଙ୍କବାଦ ସଙ୍ଗଠନ ସହ ସଂପୃକ୍ତ ଥିବା ବ୍ୟକ୍ତିମାନଙ୍କୁ ଖୋଜି ଖୋଜି କଶ୍ମୀର ପୋଲିସ ଏନକାଉଣ୍ଟର କରିଛି  ।

ଏଯାବତ୍ ୧୩୮ଜଣ ଆତଙ୍କବାଦୀଙ୍କର ଏନକାଉଣ୍ଟର ହୋଇ ସାରିଛି । ଏନକାଉଣ୍ଟର ପାଖାପାଖି ୬ ମାସ ଚାଲିବା ପରେ ଶ୍ରୀନଗର ଏବେ ଆତଙ୍କବାଦ ସଂପୃକ୍ତିରୁ ମୁକ୍ତ ହୋଇଥିବା କଶ୍ମୀର ପୋଲିସ ଆଇଜି ଦାବି କରିଛନ୍ତି । ତେବେ ଆଇଜି ସିଧାସଳଖ ଭାବେ ଏକଥା ମଧ୍ୟ ଉଲ୍ଲେଖ କରିଛନ୍ତି ଯେ ବନ୍ଧୁକ ସହ ଯେକୌଣସି ମଣିଷ ନିହାତି ଭାବେ ବିପଦ । ଏଣୁ ଏନକାଉଣ୍ଟର ହୋଇଛି । ଗତ ଅଗଷ୍ଟ ୫ରେ ଜମ୍ମୁ ଓ କଶ୍ମୀର ସ୍ୱତନ୍ତ୍ର ପାହ୍ୟା ଓ ରାଜ୍ୟର ମାନ୍ୟତା ଲୀନ ହେବା ପରେ ଏହି କ୍ଷେତ୍ରଗୁଡିକରେ ଆତଙ୍କବାଦକୁ ସମୂଳେ ନାଶ କରିବା ପାଇଁ ଭାରତ ସରକାର ଚେଷ୍ଟିତ ଅଛନ୍ତି ।