ମାନହାନୀ ମାମଲାରେ ରାହୁଲଙ୍କୁ ଶକ୍ତ ଝଟକା, ସୁରତ ସେସନ୍ସ କୋର୍ଟରୁ ମିଳିଲାନି ଆଶ୍ୱସ୍ତି

ନୂଆଦିଲ୍ଲୀ: ରାହୁଲ ଗାନ୍ଧିଙ୍କ ଆବେଦନ ଖାରଜ । ମାନହାନୀ ମାମଲାରେ ତଳକୋର୍ଟଙ୍କ ରାୟ ବଳବତ୍ତର ରଖିଲେ ସୁରଟ ସେସନ୍ସ କୋର୍ଟ । ସିଜେଏମ କୋର୍ଟଙ୍କ ରାୟକୁ ଚ୍ୟାଲେଞ୍ଜ କରି ସେସନ୍ସ କୋର୍ଟଙ୍କ ଦ୍ବାରସ୍ଥ ହୋଇଥିଲେ ରାହୁଲ । ତେବେ ରାହୁଲଙ୍କ ଆବେଦନକୁ ଅତିରିକ୍ତ ଦୌରାଜଜ୍ ରବୀନ ମୋଗେରା ଖାରଜ କରିଦେଇଛନ୍ତି । ଏପ୍ରିଲ ୧୩ ତାରିଖରେ ମାମଲାର ଶୁଣାଣି ସରିଥିବା ବେଳେ କୋର୍ଟ ରାୟ ସଂରକ୍ଷିତ ରଖିଥିଲେ । ମୋଦି ସରନେମ ମାମଲାରେ ରାହୁଲଙ୍କୁ ଦୋଷୀ ସାବ୍ୟସ୍ତ କରିବା ସହ ଦୁଇ ବର୍ଷ ଜେଲ ଦଣ୍ଡ ଶୁଣାଇଥିଲେ ସିଜେଏମ କୋର୍ଟ । ସେସନ୍ସ କୋର୍ଟରେ ଆବେଦନ ଖାରଜ ପରେ ଆସନ୍ତାକାଲି ହାଇକୋର୍ଟରେ ପିଟିସନ ଦାଏର କରିବେ ରାହୁଲ ଗାନ୍ଧି ।