କରୋନା: ଦ୍ୱିତୀୟ ଡୋଜରେ ଅନ୍ୟ ଟିକା ନେଲେ କ’ଣ ହେବ ? ଏମିତି କହିଲା ସ୍ୱାସ୍ଥ୍ୟ ବିଭାଗ

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ମାମଲା ଖସିଥିବା ବେଳେ ସୁସ୍ଥତା ହାର୍ ବଢ଼ିଛି । ସୁସ୍ଥତା ହାର୍ ୯୦ ପ୍ରତିଶତରେ ପହଞ୍ଚିଥିବା କହିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ । ଦେଶରେ ଭ୍ୟାକ୍ସିନ୍ ଅଭାବ ଲାଗି ରହିଥିବା ବେଳେ ମହାରାଷ୍ଟ୍ର ଓ ୟୁପିରେ କେତେକ ଲୋକଙ୍କୁ ପ୍ରଥମ ଡୋଜ୍ କୋଭିଡ୍ ଟିକାରେ କୋଭାକ୍ସିନ୍ ଓ ଦ୍ୱିତୀୟ ଡୋଜରେ କୋଭିସିଲ୍ଡ ଟିକା ଦିଆଯାଇଥିବା ଖବର ଆସିଛି ।

ଏହାକୁ ନେଇ ପ୍ରତିକ୍ରିୟା ରଖିଛନ୍ତି ନୀତି ଆୟୋଗର ଡକ୍ଟର ବିକେ ପାଉଲ । କହିଛନ୍ତି- ପ୍ରୋଟୋକଲରେ ସ୍ପଷ୍ଟ ଭାବେ କୁହାଯାଇଛି ୨ଟି ଯାକ ଡୋଜ୍ ଗୋଟିଏ ଭ୍ୟାକ୍ସିନର ଦିଆଯିବ । ଯେଉଁଠି ଦ୍ୱିତୀୟ ଡୋଜରେ ଅଲଗା ଟିକା ଦିଆଯାଉଛି ଯାଞ୍ଚ ହେବା ଉଚିତ୍ । ଯଦି ଦ୍ୱିତୀୟ ଡୋଜରେ ଅଲଗା କୌଣସି କୋଭିଡ୍ ଟିକା ଦିଆଯାଉଛି ତ କିଛି ଚନ୍ତାର କାରଣ ନାହିଁ ବୋଲି ସେ କହିଛନ୍ତି ।

Our protocol is clear that both doses given should be of the same vaccine. This matter should be investigated. Even if this has happened it should not be a cause of concern: Dr VK Paul, Niti Aayog on the incident of wrong second COVID19 vaccine dose given in UP pic.twitter.com/48N4afWpTE

— ANI (@ANI) May 27, 2021

ବିଦେଶୀ କମ୍ପାନୀର ଭ୍ୟାକ୍ସିନ୍ ନେଇ ବିକେ ପାଉଲ୍ କହିଛନ୍ତି, କେନ୍ଦ୍ର ସରକାର ବିଦେଶୀ ଉତ୍ପାଦନକାରୀଙ୍କ ସହ ସମ୍ପର୍କରେ ଅଛନ୍ତି । ମେକ୍ ଇନ୍ ଇଣ୍ଡିଆ, ମେଡ୍ ଇନ୍ ଇଣ୍ଡିଆ ହେଉଛି ଆମ ପ୍ରାଥମିକତା । ଆମେ ଫାଇଜର ସହ ଆଲୋଚନା ଜାରି ରଖିଛୁ । ଜୁଲାଇ ମାସ ମଧ୍ୟରେ ଫାଇଜର ଭ୍ୟାକ୍ସିନ୍ ମିଳିବା ନେଇ କମ୍ପାନୀ ସଂକେତ ଦେଇଥିବା ସେ କହିଛନ୍ତି ।