ଏଣିକି ଗାଁ ଦାଣ୍ଡରେ ବନ୍ଧା ହେବେନି ଗାଈ ଗୋରୁ, ସରକାର କଲେ ବ୍ୟବସ୍ଥା

1 min read
Adarsh Cattle

ହିଞ୍ଜିଳି: ଗୋମାତାଙ୍କ ସୁରକ୍ଷା ପାଇଁ ବ୍ୟବସ୍ଥା କଲେ ସରକାର । ହିଞ୍ଜିଳିରେ ନିର୍ମାଣ ହେଲା ଆଦର୍ଶ ଗୋଶାଳା । ଆଉ ଗାଁ ଦାଣ୍ଡରେ ବନ୍ଧା ହେବେ ନାହିଁ ଗାଈ ଗୋରୁ । କାରଣ ରାଜ୍ୟ ସରକାରଙ୍କ ପକ୍ଷରୁ ନିର୍ମାଣ ହୋଇଛି ଆଦର୍ଶ ଗୋଶାଳା । ଗୁହାଳ ନଥିବା ଗାଈ ମାଲିକମାନେ ଆଦର୍ଶ ଗୁହାଳରେ ନିଜ ଗୋରୁ ଗାଈଙ୍କୁ ରଖିବେ । ଆଉ ଏଠାରେ ଗାଈଙ୍କୁ ଖାଇବା ପାଇଁ ମଧ୍ୟ ବ୍ୟବସ୍ଥା ହୋଇଛି । ସ୍ୱୟଂ ସହାୟକ ଗୋଷ୍ଠୀ ମାଧ୍ୟମରେ ଘାସ ଚାଷ କରାଯାଇ ଗାଈଙ୍କୁ ଖାଇବାକୁ ଦିଆଯାଉଛି ।

ତେଣୁ ଆଉ ଗାଁ ଦାଣ୍ଡରେ ବନ୍ଧା ହେବେ ନାହିଁ ଗାଈ ଗୋରୁ କି ଅପରିଷ୍କାର ହେବ ନାହିଁ ଗାଁ ପରିବେଶ, ରାସ୍ତା ଘାଟ । ଗୋମାତାଙ୍କ ସୁରକ୍ଷା ପାଇଁ ରାଜ୍ୟ ସରକାରଙ୍କ ପକ୍ଷରୁ ନିଆଯାଇଛି ଏକ ବଡ଼ ପଦକ୍ଷେପ । ମନରେଗା ଯୋଜନାରେ ୧୫ ଲକ୍ଷ ଟଙ୍କା ବ୍ୟୟରେ ଗଞ୍ଜାମ ଜିଲ୍ଲା ହିଞ୍ଜିଳି ବ୍ଲକ ଭେଙ୍କେଟରାୟପଲ୍ଲିରେ ନିର୍ମାଣ ହୋଇଛି ଆଦର୍ଶ ଗୋଶାଳା । ଆଉ ଏହି ଗୋଶାଳାରେ ଗୁହାଳ ନଥିବା ମାଲିକମାନେ ନିଜର ଗାଈ ଗୋରୁ ବନ୍ଧୁଛନ୍ତି ।

ଆଦର୍ଶ ଗୋଶାଳାରେ ପ୍ରାୟ ୫୦ରୁ ଉର୍ଦ୍ଧ୍ୱ ଗାଈ ଗୋରୁ ବନ୍ଧା ହୋଉଥିବା ବେଳେ ଗାଈଙ୍କ ଖାଇବା ପାଇଁ ମଧ୍ୟ ଏଠାରେ ବ୍ୟବସ୍ଥା କରାଯାଇଛି । ସ୍ୱୟଂ ସହାୟକ ଗୋଷ୍ଠୀ ମାଧ୍ୟମରେ ଘାସ ଚାଷ କରାଯାଇଛି ଏବଂ ଗୋଖାଦ୍ୟ ଯୋଗାଇ ଦିଆଯାଉଛି । ଆଉ ଗାଈ ଗୋବରରୁ ଖତ ପ୍ରସ୍ତୁତ କରାଯାଇ ଚାଷୀଙ୍କୁ ସୁଲଭ ମୂଲ୍ୟରେ ବିକ୍ରି କରାଯାଉଛି । ଯାହାକୁ ନେଇ ଚାଷୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଥିବା ବେଳେ ରାଜ୍ୟ ସରକାରଙ୍କୁ କୃତଜ୍ଞତା ଜଣାଇଛନ୍ତି ।

Opn Commnet Area

Leave a Reply

Your email address will not be published. Required fields are marked *