ଦିଲ୍ଲୀରେ ଲକଡାଉନ୍ ନେଇ ଏମିତି ବୟାନ ଦେଲେ କେଜ୍ରିୱାଲ

1 min read
No intent for lockdown as of now Delhi CM Arvind Kejriwal

ନୂଆଦିଲ୍ଲୀ: ଦିଲ୍ଲୀରେ ବଢ଼ୁଥିବା ସଂକ୍ରମଣ ମାମଲା ମଧ୍ୟରେ ସାମ୍ବାଦିକ ସମ୍ମିଳନୀ କରିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଗତ ସପ୍ତାହରେ କୋଭିଡ୍ ସଂକ୍ରମିତ ହୋଇଥିବା କେଜ୍ରିୱାଲ୍ କୋଭିଡରୁ ସୁସ୍ଥ ହୋଇଛନ୍ତି । ସଂକ୍ରମଣ ବଢ଼ୁଥିବା ବେଳେ ଦିଲ୍ଲୀରେ ଲକଡାଉନ୍ ହେବ ନା ନାହିଁ ସେ ନେଇ ସୂଚନା ଦେଇଛନ୍ତି । ଅରବିନ୍ଦ କେଜ୍ରିୱାଲ କହିଛନ୍ତି, ସ୍ଥିତି ସଙ୍ଗୀ ଅଛି କିନ୍ତୁ ଡରିବାର ନାହିଁ ।

କିଛି ଲୋକ ପଚାରୁଛନ୍ତି ଲକଡାଉନ୍ ହେବ କି ? ମୁଁ କହିବାକୁ ଚାହୁଁଛି ଯଦି ଆପଣମାନେ ମାସ୍କ ପିନ୍ଧିବେ ତ ଲକଡାଉନର ଆବଶ୍ୟକତା ପଡ଼ିବ ନାହିଁ । ଯେତେବେଳେ ବି ଘରୁ ବାହାରକୁ ବାହାରୁଛନ୍ତି ମାସ୍କ ନିଶ୍ଚିତ ପିନ୍ଧନ୍ତୁ । ଅତ୍ୟନ୍ତ ଜରୁରୀ ନଥିଲେ ଘରୁ ବାହାରକୁ ବାହାରନ୍ତୁ ନାହିଁ । ଚେଷ୍ଟା କରୁଛୁ ଯଥା ସମ୍ଭବ କମରୁ କମ୍ ପ୍ରତିବନ୍ଧକ ଲଗାଇବୁ ।

ଦିଲ୍ଲୀ ସହ ପୂରା ଦେଶରେ କୋଭିଡ୍ ସଂକ୍ରମଣ ମାମଲା ବଢ଼ୁଛି । ଦିଲ୍ଲୀରେ ସଂକ୍ରମଣ ଦ୍ରୁତ ଗତିରେ ବ୍ୟାପୁଛି । ଗତକାଲି ୨୦ ହଜାର ମାମଲା ଆସିଥିବା ବେଳେ ଆଜି ପ୍ରାୟ ୨୨ ହଜାର କେସ୍ ଆସିବ । ପ୍ରତିଦିନ ବଢ଼ୁଥିବା ସଂକ୍ରମଣ ମାମଲା ଚିନ୍ତାର ବିଷୟ। କିନ୍ତୁ ଏଥିପାଇଁ ଡରିବାର ଆବଶ୍ୟକତା ନାହିଁ ବୋଲି କହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାସଲ୍ ।

ଗତ ସପ୍ତାହରେ କେଜ୍ରିୱାଲ କୋଭିଡ୍ ସଂକ୍ରମିତ ହେବା ପରେ ଆଇସୋଲେସନରେ ଥିଲେ । ଏନେଇ ସେ କହିଛନ୍ତି, ମୋତେ ପ୍ରାୟ ୨ ଦିନ ଜର ଲାଗି ରହିଲା । ଏହା ପରେ ମୁଁ ଠିକ୍ ହୋଇଯାଇଛି ।

About Post Author

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.