ହାରିଯିବା ଭୟରେ କରିଥିଲେ ଚକ୍ରାନ୍ତ ! କୋରମ ଅଭାବରୁ ଝାରସୁଗୁଡ଼ା କିର୍ମିରା ବ୍ଲକ ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା ସ୍ଥଗିତ

ଝାରସୁଗୁଡା : ଝାରସୁଗୁଡା ଜିଲ୍ଲା କିର୍ମିରା ବ୍ଲକ ଅଧ୍ୟକ୍ଷଙ୍କ ବିରୋଧରେ ଅନାସ୍ଥା ଭୋଟ ସ୍ଥଗିତ  । ଚକ୍ରାନ୍ତ କରି ସ୍ଥଗିତ କରାଯାଇଥିବା ଅଭିଯୋଗ  । ପିଆରଆଇ ସଦସ୍ୟ କେମିତି ଅନାସ୍ଥା ଭୋଟରେ ଭାଗ ନେଇପାରିବେନି ସେ ନେଇ ହୋଇଥିଲା ଚକ୍ରାନ୍ତ ।  ଝାରସୁଗୁଡା ଜିଲ୍ଲା କିର୍ମିରା ବ୍ଲକ ଅଧ୍ୟକ୍ଷଙ୍କ ବିରୋଧରେ ଆସିଥିବା ଅନାସ୍ଥା ପ୍ରସ୍ତାବରେ ଭୟଭିତ ହୋଇପଡିଛି ବିଜେପି । ବିଜେଡି ନେତା ତଥା ପୂର୍ବତନ ବିଧାୟିକା ଦୀପାଳିଙ୍କ ଭାଇ ବିଶାଲ ଦାସଙ୍କୁ ଛତିଶଗଡ଼ ପୋଲିସ ଏବେ ରଖିଛି ଅଟକ। ବିଶାଲଙ୍କ ସହ ପିଆରଆଇ  ସଦସ୍ୟଙ୍କୁ ମଧ୍ୟ ଅଟକ ରଖାଯାଇଛି। ବିଜେଡି ସମର୍ଥିତ ପିଆରଆଇ ସଦସ୍ୟ ବ୍ଲକ ଅଧ୍ୟକ୍ଷା ବିଷ୍ଣୁପ୍ରିୟା ସାହୁଙ୍କ ବିରୋଧରେ ଅନାସ୍ଥା ଆଣିଥିଲେ । ଶୁକ୍ରବାର ଅନାସ୍ଥା ଭୋଟ ହେବାକୁ ଦିନ ଧାର୍ଯ୍ୟ ହୋଇଥିବା ବେଳେ ପିଆରଆଇ ସଭ୍ୟମାନେ ପୂର୍ବରୁ ଅଘଟଣର ଆଶଂକା କରିଥିଲେ । ଷଡ଼ଯନ୍ତ୍ରର ଗନ୍ଧ ବାରିଥିଲେ ପିଆରଆଇ ସଦସ୍ୟ। ଭିଡ଼ିଓ ଜାରି କରି ମାଗିଥିଲେ ସୁରକ୍ଷା । ସେମାନଙ୍କୁ ସୁରକ୍ଷା ଦେଇପାରିନଥିବା ବେଳେ ପିଆରଆଇ ସଦସ୍ୟଙ୍କୁ ପୋଲିସ ଅଟକ ରଖିଛି।

ଉତ୍ତରାଞ୍ଚଳ ଆଇଜି ଘଟଣା ସମ୍ପର୍କରେ ଅବଗତ ଥିଲେ ମଧ୍ୟ ସୁରକ୍ଷା ଦେଇନଥିବା କୁହାଯାଉଛି। ରାଜ୍ୟରେ ବିଜେପି ସରକାର ଥିବାବେଳେ ଛତିଶଗଡ଼ରେ ମଧ୍ୟ ବିଜେପି ସରକାର ରହିଛି। ସରକାରଙ୍କ ଚାପରେ ପୋଲିସ ଏଭଲି କାଣ୍ଡ ଭିଆଇଥିବା ଅଭିଯୋଗ ହୋଇଛି । ଅନାସ୍ଥା ଭୋଟରେ ପିଆରଆଇ ସଦସ୍ୟ ସାମିଲ ହୋଇନପାରନ୍ତି ଏହାର ଦାୟୀ ରାଜ୍ୟ ସରକାର ହେବେ ବୋଲି କହିଛନ୍ତି ଦୀପାଳି ଦାସ। ଗଣତନ୍ତ୍ରର ଏହା ହତ୍ୟା ବୋଲି ସମାଲୋଚନା କରି ଜିଲ୍ଲାପାଳଙ୍କୁ ଦାବିପତ୍ର ଦେଇଛନ୍ତି ବିଜେଡି ପୂର୍ବତନ ବିଧାୟିକା । ଧାର୍ଯ୍ୟ ସମୟ ମଧ୍ୟରେ ଆବଶ୍ୟକ ସଦସ୍ୟ ନ ଆସିବାରୁ ଅନାସ୍ଥା ଭୋଟ ବାତିଲ ହୋଇଛି। ଥରେ ଅନାସ୍ଥା ଭୋଟ ବାତିଲ ହେବା ପରେ ନିୟମ ଅନୁଯାୟୀ ବର୍ଷେ ପରେ ପୁଣି ଅନାସ୍ଥା ଭୋଟ ହୋଇପାରିବ କହିଲେ ଉପ ଜିଲ୍ଲାପାଳ। କିର୍ମିରା ବ୍ଲକରେ ବିଜେଡିର ସମିତି ସଭ୍ୟ ଓ ସରପଞ୍ଚଙ୍କ ସଂଖ୍ୟା ୧୨। କିର୍ମିରା ବ୍ଲକରେ ବିଜେପିର ସମିତି ସଭ୍ୟ ଓ ସରପଞ୍ଚଙ୍କ ସଂଖ୍ଯା ମାତ୍ର ୪। ଅନାସ୍ଥା ଭୋଟ ହୋଇଥିଲେ ବ୍ଲକ ଅଧ୍ୟକ୍ଷା ହାରିବା ନିଶ୍ଚିତ ଥିଲା । ସେଥିପାଇଁ ଏଭଳି ଷଡ଼ଯନ୍ତ୍ର ହୋଇଥିବା ଅଭିଯୋଗ ହୋଇଛି । ଏପରିକି ପୋଲିସ ମଧ୍ୟ ସୁରକ୍ଷା ଦେବାରେ ବିଫଳ ହୋଇଥିବା ଜଣାପଡିଛି ।